काठमाडाैंमा काेराेना संक्रमित थप एक काे मृत्यु , मृतककाे संख्या ३०७ पुग्याे

नयाँ विकल्प
प्रकाशित मिती: २०७७ भाद्र २४, ०९: ५०

नयाँ विकल्प
काठमाडाैं – उपत्यकामा काेराेना संक्रमणका कारण थप एक जना कोरोना संक्रमितको व्यक्तिको मृत्यु भएको छ। जावलाखेलस्थित अल्का अस्पतालमा उपचाररत एक पुरुषको मंगबार बेलुकी मृत्यु भएको अस्पतालले जनाएको छ।

काठमाडौं विशालनगर निवासी ६७ वर्षीय संक्रमित पुरूषलाइ मंगलबार बिहान ३ बजे अस्पताल भर्ना गरिएको थियो। काेराेना संक्रमित उनकाे अस्पताल पुर्याउँदै स्वास्थ्य जटिल भएपछि भेन्टिलेटरमा राखेर उपचार गरिएको थियो। मंगबार नै उनको स्वाब परीक्षण गर्दा संक्रमण पुष्टि भएको थियो। मृतक पुरुष मधुमेह, रक्तचापका विरामी रहेको अस्पतालले जनाएको छ।

मृतकको शवलाइ नेपाली सेनाको टोलीले व्यवस्थापन गर्ने तयारी गरेको अल्का अस्पतालले जनाएकाे छ । नेपालमा हाल सम्म काेराेना संक्रमणका कारण ३ सय ७ जनाकाे मृत्यु भएकाे छ ।

काेराेना संक्रमितकाे संख्या ४८ हजार १३८ पुगेकाे छ । यसमध्ये ३२ हजार ९ सय ६४ जना संक्रमण मुक्त भएका छन् ।