- अनामनगर काठमाडौँ
- infobikalpa21@gmail.com
काठमाडौं : स्कटल्यान्डसँग ७२ रनले पराजित भएसँगै घरेलु टोली नेपाल आईसीसी टी– २० विश्वकपको ग्लोबल क्वालिफायरमा समूह चरणबाटै बाहिरिएको छ । यससँगै विश्वकपमा पुग्ने नेपालकाे सपना अधुरै रह्याे ।
सोमबार कीर्तिपुरस्थित त्रिवि क्रिकेट मैदानमा स्कटल्यान्डले प्रस्तुत गरेको १४१ रनको लक्ष्य पछ्याएको नेपाल १३.५ ओभरमा ६८ रनमै समेटियो ।
नेपालका लागि रोम थापाले अविजित १४, विन्दु रावलले १४ र रुविना क्षेत्रीले १० रन बनाए । अन्य ब्याटरले दोहोरो अंकमा रन जोड्न सकेनन् ।
अब्ताहा मकसुदले ३, क्याथरिन फ्रेजर र कप्तान क्याथरिन ब्राइसले २–२ तथा राहेल स्लेटर र ओलिभिया बेलले १–१ विकेट लिए ।
त्यसअघि टस हारेर ब्याटिङको निम्तो पाएको स्कटल्यान्डले निर्धारित २० ओभरमा सबै विकेट गुमाउँदै १४० रनको योगफल तयार पारेको थियो ।
प्रियनाज चटर्जीले अविजित ४५, एल्सा लिस्टरले २२, सारा ब्राइसले १८, मेगन म्याककोलले १७ र राहेल स्लेटरले ११ रन बनाए ।
नेपालका लागि मनिषा उपध्यायले ४, रुविना क्षेत्रीले ३, रिया शर्मा, सीता रानामगर र कविता जोशीले १–१ विकेट लिए ।
यो हारसँगै ४ खेलमा २ अंक जोडेको नेपाल समूह ‘बी’ को चौथो स्थानमा रह्यो । जित निकालेको स्कटल्यान्डले भने समान खेलबाट ४ अंकका साथ सुपर सिक्सको यात्रा तय गरेको छ । स्कटल्यान्डको जितसँगै थाइल्यान्ड पनि सुपर सिक्समा पुगेको छ ।
काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...
