राजधानीमा दैनिक चार सय बढी कोरोनाका संक्रमित थपिदै, बुधबार ४ सय ६४ थपिए – Naya Bikalpa
September 21, 2026, Monday      Epaper

राजधानीमा दैनिक चार सय बढी कोरोनाका संक्रमित थपिदै, बुधबार ४ सय ६४ थपिए


नयाँ विकल्प,
काठमाडौं – एक महिनायता राजधानी काठमाडौं उपत्यकामा कोभिड १९ पोजेटिभ हुनेको संख्या दैनिक चार सयको हाराहारीमा थपिन थालेपछि उपत्यकामा कोरोना संक्रमण नियन्त्रण चुनौतिपूर्ण बन्दै गएको छ ।

स्वास्थ्य तथा जनसंख्या मन्त्रालयको बुधबारको दैनिक प्रेस व्रिफिङमा दिइएको जानकारी अनुसार पछिल्लो २४ घण्टामा काठमाडौ जिल्लामा तीन सय ९४, ललितपुर जिल्लामा ३४ र भक्तपुरमा ३६ गरी कूल चार सय ६४ जना संक्रमित थपिएका छन् ।

नेपालमा पछिल्लो २४ घण्टामा थप एक हजार ८१ जनामा कोरोना भाइरसको संक्रमण पुष्टि भएको छ । योसँगै नेपालमा कोरोना संक्रमितको संख्या ४९ हजार दुई सय १९ पुगेको छ । नेपालमा सक्रिय संक्रमितको संख्या १५ हजार २५ रहेको छ ।

बुधबार मात्र थप नौ सय १८ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त भएर घर फर्कनेको सख्या ३३ हजार आठ सय ८२ पुगेको छ ।

यस्तै बुधबारसम्म नेपालमा कोरोना भाइरस संक्रमणको कारण ज्यान गुमाउनेको सख्या तीन सय १२ पुगेको छ । पछिल्लो २४ घण्टामा थप ६ जनाको कोरोनाले मृत्यु भएको हो ।

मृत्यु हुनेमा तीन महिला र तीन पुरुष रहेका छन् । काठमाडौँकी ८३ वर्षीय महिला र ६७ वर्षीय पुरुष, कास्कीकी ७३ वर्षीया महिला, अर्घाखाँचीका ४२ वर्षीय पुरुष, बाँकेकी ८० वर्षीय महिला र नवलपरासीकी ६४ वर्षीय पुरुषको कोरोनाले मृत्यु भएको हो ।

मंगलबार पनि नेपालमा ६ जनाको कोरोनाले मृत्यु भएको थियो । जसमा काठमाडौंका २ जना, पर्षाका २ जना, सुनसरीका एक जना र कपिलवस्तुका एक जनाको मृत्यु भएको हो ।

सम्बन्धित समाचार

डाटा सेन्टरमा समस्या देखिएपछि नेप्सेमा आजको कारोबार स्थगित
डाटा सेन्टरमा समस्या देखिएपछि नेप्सेमा आजको कारोबार स्थगित
  • २०७७ भाद्र २४, १७: ४३

काठमाडौं : नेपाल स्टक एक्सचेन्ज (नेप्से)ले आजको नियमित धितोपत्र कारोबार स्थगित गरेको छ । नेप्सेको कारोबार प्रणालीसँग सम्बन्धित ७२ कारोबार सदस्य...

एसियाली खेलकुद : पुरुष कबड्डीमा नेपाल थाइल्यान्डसँग पराजित
एसियाली खेलकुद : पुरुष कबड्डीमा नेपाल थाइल्यान्डसँग पराजित
  • २०७७ भाद्र २४, १७: ४३

काठमाडौं : जापानमा जारी २०औं एसियाली खेलकुद (एसियाड) प्रतियोगिताअन्तर्गत पुरुष कबड्डी खेलमा नेपाल थाइल्यान्डसँग पराजित भएको छ । जापानको नायोगास्थित तोकाइ...

प्रधानमन्त्री राहत कोषमा मौज्दात रकम करिब १५ अर्ब पुग्यो
प्रधानमन्त्री राहत कोषमा मौज्दात रकम करिब १५ अर्ब पुग्यो
  • २०७७ भाद्र २४, १७: ४३

काठमाडौं : रसुवाको भोटेकोशी नदीमा आएको बाढी प्रभावितका लागि आर्थिक सहयोग जुट्ने क्रम बढ्दै गएको छ । नेपाल सरकारले सञ्चालन...