
नयाँ विकल्प
काठमाडाैं- संयुक्त राष्ट्रसंघीय शान्ति स्थापनाका लागि नेपाली सेनाकाे २५३ जनाकाे टाेली शुक्रबार सुडानतर्फ गएकाे छ । करीब पाँच महीना पहिले नै जानुपर्ने यो टोली कोरोना महामारीका कारण नेपालमै राेकिएकाे थियाे ।
टोलीले यूनाइटेड नेसन्स मिसन इन साउथ सुडान (यूएनमिस) मा तैनाथ नेपाली सेनाको एक बटालियनलाई प्रतिस्थापन गर्नेछ । कोरोनाभाइरस संक्रमण महामारीकै बीच नेपाली सेनाको २५३ जनाको टोली त्यसतर्फ लागेकाे नेपाली सेनाले जनाएकाे छ ।
सेनाको टोली नेपाल वायुसेवाको निगमको चार्टर्ड विमानमार्फत दक्षिण सुडान हिंडेको सैनिक मुख्यालयले जनाएकाे छ । दक्षिण सुडानमा अहिले करीब सात सय नेपाली सैनिक कार्यरत छन्।
शान्ति स्थापना कार्य अन्तर्गत यूनाइटेड नेसन्स सपोर्ट मिसन इन लिबिया (यूएन्समिल) मा खटिने नेपाली सेनाकाे अर्को टोली साेमबार लिबिया जाने तयारीमा रहेकाे सेनाले जनाएकाे छ ।
राष्ट्रसंघीय शान्ति स्थापना कार्य अन्तर्गत विभिन्न मुलुकमा नेपाली सेनाका झन्डै छ हजार पाँच सय सैनिक तैनाथ छन् । नेपाली सेनाले विभिन्न मुलुकमा शान्ति स्थापनार्थ खटिएका सैनिकलाइ एक बर्षमा अदल बदल गर्दैं आएकाे छ ।
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...