सिन्धुपाल्चोक पहिरोः खोजी तथा उद्धारमा नेपाली सेना (फाेटाे फिचर)

नयाँ विकल्प
काठमाडाैं- आइतबार बिहान सिन्धुपाल्चोक बाह्रबिसे नगरपालिका-७ स्थित नाकुचे (गुमथाङ्ग), डांडागाउं, नेवार टोल र बिक टोलमा पहिराेमा परि अहिले सम्म ११ जनाको शव फेला परेको छ ।

मृत्यु हुनेमा ३ पूरुष, ७ महिला तथा एक बालक शव फेला परेकाे छ । पहिरोमा परी ३१ जना बेपत्ता द छन् । मृतक तथा वेवत्ताकाे खाेजीमा नेपाली सेना निरन्तर खोज तथा उद्धार कार्यको खटिएकाे छ ।

उद्धार कार्यको लागि स्थानिय र अन्य सुरक्षा निकायहरुको सहभागितामा नेपाली सेनाको गोरख बक्स गणले पुनः साेमबार बिहान देखि खोज तथा उद्धार कार्य जारी राखेको छ । पहिरोले २२ घरमा पूर्ण रुपमा क्षति पुर्याएकाे छ ।

नेपाली सेनाले डांडागाउंबाट घाईते ३ जनालाई उपचारको लागि बाह्रबिसे प्राथमिक स्वास्थ्य केन्द्रमा पठाएको छ । साे स्थानमा २० जना बेपत्ता काे खोजि कार्य भईरहेको नेपाली सेनाले जनाएकाे छ । साेमबार ११ बजे सम्म उक्त क्षेत्रमा गएको पहिरोबाट प्रभावित ईलाकाको स्थलगत अवलोकन गर्न नेपाली सेनाका श्री नं.२६ बाहिनीपति सहायक रथी श्री विष्णु राउतले पहिरोवाट प्रभावित क्षेत्रको अवलोकन गरेका छन् ।

बाह्रबिसे नगरपालिका-७ नाकुचे (गुमथाङ्ग), डांडागाउं, नेवार टोल र बिक टोलमा खोज तथा उद्धार कार्यको लागी ५० जनाकाे टाेलि परिचाल गरिएकाे नेपाली नेपाली सेनाले जनाएकाे छ ।