कांग्रेस महामन्त्री कोइराला कोरोना जितेर डिष्चार्ज

नयाँ विकल्प
प्रकाशित मिती: २०७७ आश्विन ३, १४: २३

नयाँ विकल्प,
काठमाडौ – नेपाली कांग्रेसका महामन्त्री डा शशांक कोइराला कोरोना भाइरसको संक्रमणबाट मुक्त भएर अस्पतालबाट घर फर्किएका छन् ।
गत भदौ २३ गते कोरोना पोजेटिभ देखिएपछि घरमै आईसोलेसनमा बसेका कोइरालामा कोभिड १९ को लक्षण देखिएपछि भदौ ३० गते ओम अस्पतालमा भर्ना गरिएको थियो ।

कोइरालाको शुक्रबार स्वाव परिक्षणको लागि पठाइएको र राति नै कोभिड १९ को नतिजा नेगेटिभ आएपछि अस्पतालले डिस्चार्ज गरेको हो । ओम अस्पतालमा आइसीयुमा नै राखेर कोइरालालाको उपचार भएको थियो ।

चिकित्सकहरुले उनलाई रेम्डेसिभिर औषधी चलाएका थिए । शनिवार डिस्चार्ज गरिएका कोइराला आफ्नो निजी निवास महाराजगंजमा फर्किएको उनका निजी सचिव भरत तिवारीले जानकारी दिए ।
निजी सचिव तिवारीले महामन्त्री कोइराला केही दिनसम्म घरमै आइसोलेसनमै रहने बताए । यस बीचमा भेटघाटलाई समेत कम गरिने तिवारीले बताए ।