आजदेखि खुल्याे आन्तरिक तर्फकाे उडान – Naya Bikalpa
November 17, 2026, Tuesday      Epaper

आजदेखि खुल्याे आन्तरिक तर्फकाे उडान






नयाँ विकल्प,


काठमाडाैं- काेराेना संक्रमण (काेभिड-१९ ) का कारण देशमा लकडाउन सुरू भएसंगै ठप्प बनेकाे आन्तरिक र वाह्य हवाइ सेवामध्ये आन्तरिक तर्फकाे उडान सेवा आजदेखि खुलेका छन्।
सात महिनापछि खुल्न लागेको आन्तरिक उडानको भाडादर पहिलेकै अवस्थामा रहने गरि सञ्चालन गरिने भएकाे छ ।

एयरलाइन्सहरूले सिमित उडान बाट आन्तरिक उडान खुलाउने निर्णय भएकाे हाे । सरकारले तोकिदिएको भाडाको तल्लो आधारबाट एयरलाइन्सहरूले भाडादर लिइरहेका छन्।
एयरलाइन्सहरूले खुलाएको टिकट बुकिङअनुसार काठमाडौंबाट बाहिरिने यात्रुका लागि तल्लो तहको भाडामा टिकट बिक्री भइरहेको छ।

बुद्ध एयरले नेपालगञ्जका लागि खुलाएको बुकिङमा भोलिका लागि ५५ सय भाडादरमा अहिले टिकट उपलब्ध भइरहेको छ भने यति एयरलाइन्सको ४३ सयमा। नेपालगञ्जको अधिकतम भाडा ११ हजार रुपैयाँसम्म लिने गरिएको छ। यद्यपी यो भाडामा इन्धनको मूल्य तलमाथि हुँदा हेरफेर हुन्छ।

यद्यपी यो भाडादर बेलुका वा भोलिसम्म अझै बढ्नसक्छ। यदि बुकिङ सकिन लाग्यो भने भाडा बढ्दै जान्छ। र खाली हुने सम्भावना बढेर गयो भने अझै सस्तो पनि हुनसक्छ।
सरकारले विभिन्न तहका लागि भाडादर तोकिदिएको हुन्छ। जसमा एयरलाइन्सहरूले माग धेरै हुँदा भाडादर बढाउछन् भने थोरै हुँदा घटाउने गर्छन्।


तर अधिकतमभन्दा बढी लिन भने पाउँदैनन्। कोरोनाका कारण बन्द रहेको उडान खुल्दा एयरलाइन्सहरूले खुलाएको अनलाइन टिकट बुकिङमा अघिल्लो वर्षको चाडपर्वको मुखमा काठमाडौंबाट बाहिरिने उडानको भाडादरको तुलनामा यो वर्ष सस्तो देखिएको हो।

सम्बन्धित समाचार

नेपाल बैंकले मनायो ९०औँ वार्षिकोत्सव, उत्पादनशील क्षेत्रमा लगानी बढाउन अर्थमन्त्री वाग्लेको जोड
नेपाल बैंकले मनायो ९०औँ वार्षिकोत्सव, उत्पादनशील क्षेत्रमा लगानी बढाउन अर्थमन्त्री वाग्लेको जोड
  • २०७७ आश्विन ५, ०९: ५१

काठमाडौं । नेपालको पहिलो बैंक नेपाल बैंक लिमिटेडले सोमबार आफ्नो ९०औँ वार्षिकोत्सव मनाएको छ । अर्थमन्त्री डा. स्वर्णिम वाग्लेको उपस्थितिमा...

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०७७ आश्विन ५, ०९: ५१

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७७ आश्विन ५, ०९: ५१

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...