- अनामनगर काठमाडौँ
- infobikalpa21@gmail.com
काठमाडौँ : प्रतिनिधि सभाका सदस्य अमरेशकुमार सिंहले मुलुकको समग्र अवस्थाप्रति चिन्ता व्यक्त गर्दै प्रमुख राजनीतिक दलहरू राष्ट्रिय हितका विषयमा साझा धारणा बनाएर अघि बढ्नुपर्ने बताएका छन् ।
मंगलबार बसेको प्रतिनिधि सभा बैठकमा धारणा राख्दै उनले देशमा संकटको अवस्था देखिएको र नागरिकमा निराशा बढ्दै गएको उल्लेख गरे । यस्तो परिस्थितिमा संसद्मा प्रतिनिधित्व गर्ने सबै राजनीतिक शक्तिबीच सहकार्य र एकता आवश्यक रहेको उनको भनाइ थियो ।
सिंहले सभामुखमार्फत सरकारको ध्यानाकर्षण गराउँदै राष्ट्रिय प्राथमिकताका विषय पहिचान गरी सबै दलको सहमतिमा अगाडि बढ्ने वातावरण निर्माण गर्न आग्रह गरे ।
उनले राज्यको स्थायित्व, लोकतान्त्रिक व्यवस्था र जनताको हितलाई केन्द्रमा राखेर राजनीतिक गतिविधि सञ्चालन गर्नुपर्नेमा जोड दिए । राज्य र जनता सुरक्षित तथा सबल रहेमा मात्रै राजनीतिक प्रणाली सुदृढ रहने उल्लेख गर्दै लोकतन्त्र र नागरिक हितमा प्रतिकूल असर पर्ने कुनै पनि गतिविधिबाट सबै पक्ष सचेत हुनुपर्ने उनको धारणा थियो ।
बैठकका क्रममा सिंहले यसै साता आत्मदाहको प्रयासपछि ज्यान गुमाएका व्यक्तिप्रति श्रद्धाञ्जलीसमेत व्यक्त गरे ।
बेलटार, उदयपुर : उदयपुरको चौदण्डीगढी नगरपालिका क्षेत्रमा पछिल्लो समय अनपेक्षित रूपमा विद्युत कटौती बढेको भन्दै नेपाली कांग्रेस नगर कार्यसमितिले नेपाल...
काठमाडौं : बहुचर्चित नक्कली भुटानी शरणार्थी प्रकरणमा जिल्ला अदालत काठमाडौंले दोषी ठहर भएका विभिन्न उच्च पदस्थ व्यक्तिहरूलाई सजाय निर्धारण गरेको...
काठमाडौं : नेपाली कांग्रेसले सुकुम्वासी समस्या समाधानका लागि साझा राष्ट्रिय दृष्टि निर्माण गर्न संसदमा सार्वजनिक महत्वको प्रस्ताव अघि बढाउन संसदीय...
