किम्रुङखोला पहिरोले थुनिएपछि मोदीखोला किनारका बस्तीमा सतर्कता – Naya Bikalpa
November 16, 2026, Monday      Epaper

किम्रुङखोला पहिरोले थुनिएपछि मोदीखोला किनारका बस्तीमा सतर्कता

पोखरा ।  कास्कीको किम्रुङखोलामा पहिरो खसेर पानी थुनिएपछि जिल्ला प्रहरीले मोदीखोला र यसको जलाधार क्षेत्रमा रहेका बस्तीलाई सतर्क रहन आग्रह गरेको छ।

कास्की प्रहरी प्रमुख एसपी नवीन कार्कीका अनुसार मोदीखोलामा मिसिने किम्रुङखोला करिब ६ घण्टादेखि थुनिएको सूचना प्राप्त भएको छ।

खोला थुनिएको स्थानमा जमेको पानी अचानक फुटेमा ठूलो बाढी आउन सक्ने जोखिम रहेकाले प्रहरीले प्रभावित क्षेत्रमा माइकिङ गर्दै स्थानीयलाई सचेत गराएको छ।

एसपी कार्कीका अनुसार थुनिएको पानी फुटेमा मोदीखोलामा एक्कासि बाढी आउन सक्ने र त्यसको असर नयाँपुल तथा वीरेठाँटी हुँदै पर्वत, स्याङ्जा र पाल्पासम्म नदी किनारका बस्तीमा पर्न सक्ने जोखिम छ।

जल तथा मौसम विज्ञान विभागले पनि सम्बन्धित प्रशासनलाई सतर्क रहन आग्रह गरेको छ।

किम्रुङखोला थुनिएको र बाँध फुटेमा मोदीखोलामा ठूलो बाढी आउन सक्ने सूचनापछि जिल्ला प्रशासन कार्यालय पर्वतले समेत नदी किनारमा रहेका बस्तीका बासिन्दालाई उच्च सतर्कता अपनाउन आग्रह गरेको छ।

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०८३ भाद्र २४, ०८: ३१

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८३ भाद्र २४, ०८: ३१

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८३ भाद्र २४, ०८: ३१

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...