
नयाँ विकल्प,
काठमाडौं – कोरोना भाइरसको संक्रमणबाट नेपालमा मृत्यु हुनेको संख्या ह्वात्तै बढ्न थालेको छ । स्वाथ्य तथा जनसंख्या मन्त्रालयले बिहीबार सार्वजनिक गरेको विवरण अनुसार नेपालमा पछिल्लो २४ घण्टामा १९ जना थप संक्रमितको मृत्यु भएको छ ।
योसँगै नेपालका कोरोना भाइरसका कारण मृत्यु हुनेको सख्या छ सय ९४ पुगेको छ ।
मन्त्रालयका अनुसार कोरोनाको संक्रमण सबैभन्दा बढी काठमाडौं जिल्लामा फैलिएको छ । पछिल्लो २४ घण्टामा काठमाडौ जिल्लामा एक हजार छ सय ९२ जना, ललितपुर जिल्लामा एक सय ८ जना र भक्तपुर जिल्लामा एक सय ३४ जना गरी उपत्यकामा एक हनजार नौ सय ३५ जना संक्रमित थपिएका छन् ।
नेपालमा आज मात्र तीन हजार सात सय ४९ जना संक्रमित थपिएका छन् । योसँगै नेपालमा कोरोनाबाट संक्रमित हुनेको सख्या एक लाख २१ हजार सात सय ४५ पुगेको छ ।
मन्त्रालयका प्रवक्ता डा. जागेश्वर गौतमका अनुसार नेपालमा बिहीबार मात्र विभिन्न अस्पताल र आइसोलेसनमा रहेका तीन हजार पाँच सय ६४ जना कोरोनाका संक्रमित निको भएका छन् । योसँग कोरोनाबाट डिष्चार्ज हुनेको सख्या ८४ हजार पाँच सय १८ पुगेको छ ।
नेपालमा हाल संक्रिय संक्रमितको सख्या ३६ हजार पाँच सय ३३ पुगेको छ भने आइसीयुमा हाल तीन सय ५१ जनाको उपचार भइरहेको छ । त्यस्तै, ६८ जना कोरोनाका विरामीको भेण्टिलेटरमा राखेर उपचार भइरहेको छ ।
उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...