उपत्यकामा १ हजार ७०२ सहित देशभर तीन हजार ९३ जना कोरोनाका संक्रमित थपिए

नयाँ विकल्प
प्रकाशित मिती: २०७७ कार्तिक ४, १७: १४

नयाँ विकल्प,

काठमाडौं – नेपालमा पछिल्लो २४ घण्टामा थप तीन हजार ९३ जनामा कोरोना भाइरसको संक्रमण पुष्टि भएको छ । योसँगै नेपालमा कोरोना संक्रमितको संख्या १ लाख ३९ हजार एक सय २९ पुगेको छ ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले मंगलबार नियमित प्रेस ब्रिफिङमा भने ‘हालसम्म कोरोनाका सक्रिय संक्रमितको संख्या ४१ हजार सात सय ५५ पुगको ।’

पछिल्लो २४ घण्टामा थप दुई हजार एक सय आठ जना कोरोनाका संक्रमित संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ९६ हजार छ सय नौ पुगेको छ ।

नेपालमा पछिल्लो २४ घण्टामा थप ८ जनाको कोरोना भाइरसको संक्रमणका कारण मृत्यु भएको छ । तिमध्ये सात जनाको विराटनगर महानगरपालिकास्थित विभिन्न अस्पातालमा उपचारका क्रममा निधन भएको थियो । योसँगै नेपालमा कोरोनाले ज्यान गुमाउनेको संख्या सात सय ६५ पुगेको छ ।

काठमाडौं उपत्यकामा पछिल्लो २४ घण्टामा थप एक हजार सात सय दुई दुई जनामा कोरोना संक्रमण पुष्टि भएको छ ।

मन्त्रालयका अनुसार काठमाडौंमा एक हजार चार सय ३१, भक्तपुरमा एक सय ४८ र ललितपुर जिल्लामा एक सय २३ गरी जम्मा एक हजार सात सय दुई जना संक्रमित थपिएका छन् ।