कोरोनाले चापेपछि बागमतिका मुख्यमन्त्रीलाई हेलिकोप्टरबाट काठमाडौं ल्याइयो

नयाँ विकल्प
प्रकाशित मिती: २०७७ कार्तिक ७, १५: ५३

नयाँ विकल्प

काठमाडौं – कोरोना भाईरसको संक्रमण देखिएपछि सरकारी निवासको आइसोलेसनमा बसेका बागमती प्रदेशका मुख्यमन्त्री डोरमणि पौडेललाई थप उपचारका लागि हेलिकप्टरमा काठमाडौं ल्याइएको छ ।

पौडेललाई बिहिबार कोरोना संक्रमण पुष्टि भएको थियो । संक्रमण पुष्टि भए पछि होम आइसोलेसनमा बसेका उनलाई शुक्रबार दिउँसो नेपाली सेनाको हेलिकप्टरमा काठमाडौं ल्याइएको मुख्यमन्त्री पौडेलका प्रेस संयोजक प्रकास दाहालले जनाएका छन् ।

मुख्य मन्त्री पौडेललाई गंगालाल हृदय केन्द्र बाँसबारीमा उपचारका लागि लगिएको छ । अहिले पौडेलको स्वास्थ्य अवस्था सामान्य रहेको बताइएको छ।

हालै मुटुको अपरेसन गरेका कारण समयमा नै उपचारमा सचेतता अपनाएको पौडेललको सचिवललयले जानकारी दिएको छ । पौडेललाई सामान्य रुघा लागेको बताइएको छ ।

सम्बन्धित समाचार

भोटेकोशी-त्रिशूली विपद्सम्बन्धी संसदीय विशेष समिति गठन

२०७७ कार्तिक ७, १५: ५३

काठमाडौं : प्रतिनिधिसभाले १५ सदस्यीय हिमालमा जलवायु परिवर्तनको प्रभाव, जलवायु न्याय तथा भोटेकोशी त्रिशूली विपद्सम्बन्धी संसदीय विशेष समिति गठन गरेको छ...