दाङमा यात्रुवाहक बस दुर्घटना हुँदा १० जना घाइते

नयाँ विकल्प
प्रकाशित मिती: २०७८ असार १५, २१: ३१

नयाँ बिकल्प,

दाङ- राप्ती राजमार्गको तुलसीपुर उपमहानगरपालिका ३ लाहुरेचौरमा बस दुर्घटना हुँदा १० जना घाइते भएका छन् ।

सल्यानबाट नेपालगन्ज जाँदै गरेको रा १ ख २४३९ न बस दुर्घटना हुँदा १० जना घाइते भएका प्रहरीले जनाएको छ ।
घाइते हुनेहरुमा सल्यान शारदा नगरपालिका २ बस्ने १९ वर्षीय अङ्कित वली, वडा नंं. २ कै १३ वर्षीय तुलसाराज जिएम, छत्रेश्वरी गाउँपालिका २ बस्ने २० वर्षीय अर्जुन नेपाली, सोही ठाउँका वृद्धिमान पुन, दार्मा गाउँपालिका वडा नं.३ का ५९ वर्षीय हस्त बुढाथोकी, छत्रेश्वरी गाउँपालिकाकी २५ वर्षीया जुनु योगी रहेको प्रहरी महेश खड्काले जानकारी दिए ।

बाँके फत्तेपुर ६ का ४ वर्षीया जुनिसा नेपाली, सोही ठाउँका २४ वर्षीया शारदा नेपाली, र तुलसीपुर उपमहानगरपालिका ५ रानीजरा बस्नेत ३१ वर्षीया पार्वती केसी रहेको प्रहरी खड्काले जानकारी दिए ।

घाइतेहरू सबैलाई अञ्चल अस्पताल तुलसीपुरमा उपचार भई रहेको छ । थप विवरण आउन बाँकी रहेको प्रहरीले जनाएको छ ।

५० जना यात्रु सवार रहेको बस सडकबाट करिब २५ मिटर तल खसेको प्रहरीले जनाएको छ ।