संविधानलाई पुनर्जीवन दिने कर्तव्य न्यायाधीशहरुको हातमा : कांग्रेस प्रवक्ता शर्मा

नयाँ विकल्प
प्रकाशित मिती: २०७८ असार २०, २१: ४८

नयाँ विकल्प,

काठमाडौं – नेपाली कांग्रेसका प्रवक्ता विश्वप्रकाश शर्माले संविधानलाई पुनर्जीवन दिने कर्तव्य न्यायाधीशहरुको हातमा रहेको बताएका छन् ।

सर्वोच्च अदालतले संविधानलाई पुनर्जीवन दिने आइतबार विपक्षी गठबन्धनका विद्यार्थी संगठनले रत्न राज्यलक्ष्मी क्याम्पसमा आयोजना गरेको संसद विघटन, अधिनायकवाद र विद्यार्थी आन्दोलन विषयक अन्तरक्रियामा बोल्दै कांग्रेस प्रवक्ता शर्माले अपेक्षा व्यक्त गरेका हुन् ।

‘संविधानको पुनर्जीवन दिने कर्तव्य न्यायाधीशहरुको हातमा छ,’ उनले भने, ‘न्यायको फैसला गरिदै गर्दा संविधानको चिसा अक्षरहरुलाई मात्रै भनएर समाजलाई पार्ने दुरगामी प्रभावलाई पनि केन्द्रमा राखिन्छ।’

नेकपा (माओवादी केन्द्र) का नेता हिमाल शर्माले नेपालको संविधान मन नपरेको शक्तिलाई संविधान च्यात्नुपर्ने र त्यसको गोटीको रुपमा प्रधामन्त्री ओली प्रयोग भएको आरोप लगाए । संसद विघटन गर्नका लागि प्रधानमन्त्री केपी शर्मा ओली विदेशी शक्तिको मतियार भएको सुनाए ।

यस्तै कार्यक्रममा नेकपा एमालेकी नेतृ रामकुमारी झाँक्रीले आगामी दिनमा राष्ट्रपति र प्रधानमन्त्री बनाउँदा एक अर्काको शक्ति सन्तुलनको हिसाबले पनि विचार गरिनुपर्ने बताइन् । अहिले राष्ट्रपति र प्रधानमन्त्रीको मिलेमतोले गर्दा संविधान च्यातिएको र लाखौँको सपनामा तुषारापात भएको उनको भनाइ थियो ।