माओबादीद्वारा २ पुरुष र १२ महिलालाई समानुपातिक सांसदमा सिफारिस

नयाँ विकल्प विशेष संवाददाता
प्रकाशित मिती: २०७९ मंसिर २४, २२: ३२

काठमाडौं – नेकपा माओवादी केन्द्रले संघीय संसदको प्रतिनिधि सभामा १४ जना समानुपातिक सांसदको सूची निर्वाचन आयोगलाई बुझाएको छ ।

माओवादीले खस आर्य क्लस्टर र दलित क्लस्टरबाट माओबादी नेता हितराज पाण्डे र रणेन्द्र बराईलीलाई सिफारिस गरेको छ ।
जसअनुसार माओबादीले आदिवासी महिलातर्फ दुर्गा राई, मिना तामाङ, उर्मिला माझी पौडेल, छिरिङ ल्यामु लामा तामाङलाई सिफारिस गरेको छ ।

खस आर्य महिलातर्फ ज्ञानु बस्नेत सुवेदी, विमला सुवेदी र नारायणी शर्मा तथा थारू महिलातर्फ रुपा सोसी चौधरी, र दलित महिलातर्फ सुशिला सेर्पाली ठकुरीलाई सिफारिस गरेको छ ।

मधेसी महिलातर्फबाट मीना यादवलाई, मुस्लिम महिलाकोटाबाट उमरावती देवी यादव र कल्पना मियाँको नाम माओबादीले प्रतिनिधि सभा सदस्यमा सिफारिस गरेको छ । मिना यादव बाबुराम भट्टराई नेतृत्वको नेपाल समाजबादी पार्टीकी नेता हुन् ।