
काठमाडौं – नेपाल प्रहरीका १७ जना प्रहरी नायब महानिरीक्षक (डिआईजी)को काज सरुवा भएको छ ।
गृह मन्त्रालयको जिम्मेवारी उपप्रधानमन्त्री रवी लामिछानेको सुझाव र सिफारिसमा प्रहरी प्रधान कार्यालय मानवश्रोत विकास विभागले विहीबार १७ डिआईजीको सरुवा गरेको हो ।
काजसरुवा गरिएकाहरुमा प्रदेश नम्वर १ रानी विराटनगरमा श्यामलाल ज्ञवाली, मधेश प्रदेश जनकपुरमा बसन्त कुँवर, बागमती प्रदेश प्रहरी कार्यालय हेटौंडामा दीपक थापा, गण्डकी प्रदेश कार्यालय पोखरामा बुद्धि बहदुर गुरुङ र लुम्बिनी प्रदेश प्रहरी कार्यालय तुलसीपुरमा नेपाल प्रहरीका प्रवक्ता टेकप्रसाद राईलाई सरुवा गरिएको छ ।
कर्णाली प्रदेश प्रहरी कार्यालय बीरेनद्रनगरमा भीम ढकाल र सुदूरपश्चिम प्रदेश प्रहरी कार्यालय धनगढीमा अशोक सिहं सरुवा भएका छन् ।
विशेष ब्यूरो काठमाडौंमा सुदिप गिरी र त्रिभुवन अन्तर्राष्ट्रिय विमानस्थलमा किरण राणाको तथा डिआईजी पोषराज पोख्रेललाई प्रहरी महानिरिक्षकको सचिवालय तथा प्रवक्ता एवम् सूचना अधिकारीमा सरुवा गरिएको छ ।
डीआईजीहरु नलप्रसाद उपाध्यायलाई राष्ट्रिय प्रहरी प्रशिक्षण प्रतिष्ठान महाराजगञ्जमा, मोहनकुमार आचार्यलाई केन्द्रीय अनुसन्धन ब्युरो नक्सालमा, मसाउद आलम खाँलाई काठमाडौं उपत्यका प्रहरी कार्यालय रानीपोखरीमा, किरण बज्राचार्यलाई आर्थिक प्रशासन तथा प्रवन्ध निर्देशनालय नक्सालमा, सन्दिप भण्डारीलाई कार्य निर्देशनालय नक्सालमा,रामदत्त जोशीलाई अन्वेषण, योजना तथा विकास निर्देशनालय र दुर्गा सिंहलाई नेपाल प्रहरी शिक्षालय भरतपुरमा काज सरुवा गरिएको छ ।
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...