
दमौली । तनहुँ जिल्ला अदालतले अभिनेता पल शाहलाई सफाइ दिएको छ । एक बालिका बलात्कार आरोपमा जेलमा रहेका पललाई तनहुँ जिल्ला अदालतका जिल्ला न्यायाधीश कोमलप्रसाद आचार्यको एकल इजलासले उनीमाथि लगाइएको बलात्कारको दाबी नपुगेको भन्दै सफाइ दिएको हो ।
अदालतले शाहसँगै उनका म्यानेजर कृष्ण जोशीलाई पनि सफाइ दिएको शाहका कानून व्यवसायी कमलामोहन वाग्लेले बताए ।
यसअघि बालिकालाई बलात्कार गरेको अभियोगमा पललाई तनहुँ र पूर्वी नवलपरासी जिल्ला अदालतमा मुद्धा दायर भएको थियो ।
उनलाई पूर्वी नवलपरासी जिल्ला अदालतले २ वर्ष ६ महिना जेल सजाय र पीडितलाई १० लाख रुपैयाँ क्षतिपूर्ति दिनुपर्ने फैसला गरेको थियो ।
मंगलबार जिल्ला न्यायाधीश कोमलप्रसाद आचार्यको इजलासले बलात्कारको अभियोगमा दाबी नपुगेको भन्दै शाह र उनका म्यानेजर जोशीलाई उक्त प्रकरणमा सहयोगी भूमिका खेलेको आरोप पुष्टि नभएको आदेशमा जनाएका छन् ।
पूर्वी नवलपरासी जिल्ला अदालतको फैसलाविरुद्ध पल शाहले उच्च अदालत पोखरामा पुनरावेदन दिएका छन् ।
गत वर्ष २०७८ साल फागुन ११ गते नाबालिकाका बुबाले पलविरुद्ध तनहुँ र पूर्वी नवलपरासी जिल्ला प्रहरी कार्यालयमा उजुरी दिएका थिए । त्यसपछि फरार रहेका पलले फागुन १५ गते जिल्ला प्रहरी कार्यालय तनहुँ पुगेर आत्मसमर्पण गरेका थिए ।
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...