माओबादी नेता पुनको कलेजो प्रत्यारोपण गरिने – विदेश लैजान चिकित्सकको सल्लाह – Naya Bikalpa
November 16, 2026, Monday      Epaper

माओबादी नेता पुनको कलेजो प्रत्यारोपण गरिने – विदेश लैजान चिकित्सकको सल्लाह


काठमाडौँ । जण्डिस रोगका कारण अस्पतालमा उपचार गराई रहेका नेकपा माओवादी केन्द्रका उपमहासचिव एवम् पूर्वमन्त्री वर्षमान पुनलाई कलेजो प्रत्यारोपण गर्न चिकित्सकले सुल्लाह दिएका छन् ।

हाल ललितपुको सुमेरु अस्पतालमा उपचारत पुनलाई चिकित्सकहरुले कलेजो प्रत्यारोपण गर्न भन्दै कलेजोको प्रत्यारोपण विदेशमा गर्न समेत सुझाव दिएका हुन् ।

कलजो प्रत्यारोपण नेपालमा हुँदै आए पनि समस्या आउन सक्ने भन्दै चिकित्सकले देश बाहिर लगे उपयुक्त हुने सुझाव दिएका हुन् ।

पुनको उपचार कहाँ गर्ने भन्ने विषयमा छलफल भइरहेको सुमेरु अस्पतालका चिकित्सक डा. युवराज शर्माले बताए ।

पुनको विगत एक दशकदेखि उपचारमा संलग्न चिकित्सक शर्माले यसबीचमा उनले चीनमा उपचार गरेको, पछिल्लो समय कलेजो कमजोर देखिएको र जण्डिस बढेर पेटमा पानी आउने रगत पातलो हुने भएकाले लिभर नै फेर्नुको विकल्प नभएको सुझाएका थिए ।

नेपालमा लिभरको प्रत्यारोपण त्यति धेरै नभइराखेको, विदेशबाट आएका चिकित्सकले फाट्टफुट्ट गर्ने गरिएकोले नेपालमा लिभर प्रत्यारोपण गर्दा जोखिम हुने देखिएकाले वाहिर उपचार गर्न सुझाव दिएको डा. शर्माले जनाएका छन् ।

नेपालमा कलेजो प्रत्यारोपण गर्न ३० देखि ४० लाख र भारतमा ५० देखि ६० लाख खर्च हुने गर्छ । कलेजो प्रत्यारोपण गर्दा कुनै समस्या नआएमा डेढ महिना र यसपछि २ महिना आराम गर्नुपर्ने चिकित्सकहरुले वताएका छन् ।

सम्बन्धित समाचार

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७९ माघ ४, १४: ५४

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७९ माघ ४, १४: ५४

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०७९ माघ ४, १४: ५४

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...