प्रतिनिधि सभाद्वारा २१ सदस्यीय नियमावली मस्यौदा समिति गठन – Naya Bikalpa
November 16, 2026, Monday      Epaper

प्रतिनिधि सभाद्वारा २१ सदस्यीय नियमावली मस्यौदा समिति गठन

काठमाडौं – प्रतिनिधि सभाको मंगलबारको बैठकले २१ सदस्यीय प्रतिनिधि सभा नियमावली मस्यौदा समिति गठन गरेको छ ।

प्रतिनिधि सभाको आजको बैठकमा माओबादी केन्द्रका सांसद देवेन्द्र पौडेलको प्रस्ताव तथा कांग्रेस सांसद रामकृष्ण यादव र एमाले सांसद ऋषिकेश पोखरेलको समर्थनमा नियमावली निर्माणको लागि प्रस्तव गरिएको २१ सदस्यीय सर्वदलिय नियमावली मस्यौदा समिति गठनको भएको हो ।

समितिलाई १५ दिन भित्रमा प्रतिनिधि सभा सञ्चालन गर्न, बैठकको सुव्यवस्था कायम राख्न, समितिको गठन, काम कारबाही र अन्य कुरा नियमित गर्न तथा नियमित व्यवस्थापकीय कार्य सम्पदान गर्दा अपनाउनु पर्ने कार्यको लागि नियमावली मस्यौदा तयार गर्ने र पारित गर्ने गरी कार्यक्षेत्र तोकिएको छ ।

मस्यौदा समितिमा कांग्रेसबाट जीवन परियार, दिलेन्द्र प्रसाद वढु, रमेश लेखक, सीता गुरुङ र नागिना यादव सदस्य छन् । एमालेबाट पूर्वसभामुख सुवासचन्द्र नेम्वाङ, लिलानाथ श्रेष्ठ, विद्या भट्टराई,महेशकुमार बर्तौला छन् । समितिमा माओबादी केन्द्रका हितराज पाण्डे, शक्तिबहादुर बस्नेत, राष्ट्रिय स्वतन्त्र पार्टीबाट सोविता गौतम, राप्रपाबाट ज्ञानबहादुर शाही, नेकपा एसबाट प्रकाश ज्वाला, जसपाबाट प्रदीप यादव, लोसपाबाट सर्वेन्द्रनाथ शुक्ला, राजमोबाट चित्रबहादुर केसी, नेमकिपाबाट प्रेम सृवाल र स्वतन्त्र सांसद डा. अमरेसकुमार सिंह सदस्य छन् ।

समितिलाई सभामुखको सामान्य निर्देशनमा रही आफ्नो कार्यविधि आफैले व्यवस्थित गनै र समितिका सदस्यहरुमध्येबाट एक जना सभापति चयन गर्ने जिम्मेवारी पनि दिइएको छ । मस्यौदा समिति गठन गर्ने सम्वन्धमा आजै सांसद पौडेलले सभामुखलाई संवोधन गरी दर्ता गरिएको सो प्रस्ताव आजै दर्ता भएको हो ।

सम्बन्धित समाचार

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०७९ माघ १०, १५: १६

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७९ माघ १०, १५: १६

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७९ माघ १०, १५: १६

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...