
काठमाडौं । नेपाली कांग्रेसका पूर्वसांसद कर्मा घलेको मंगलबार (आज) निधन भएको छ ।
महारागञ्जस्थित त्रिभुवन शिक्षण अस्पतालमा उपचारका क्रममा घलेको मृत्यु भएको हो । ५९ वर्षीय घलेको मृत्यु भएको कांग्रेस प्रमुख सचेतक रमेश लेखकले जानकारी दिए । घले लामो समयदेखि क्यान्सर रोगबाट ग्रसित थिए । घले उपचारका लागि भारत समेत गएका थिए ।
मनाङका घले २०७४ को प्रतिनिधिसभाको निर्वाचनमा समानुपातिक तर्फबाट सांसद निर्वाचित भएका थिए । कांग्रेसमा महासमिति सदस्य समेत रहेका घले सक्रिय राजनीतिका साथै सामाजिक कार्यहरुमा सक्रिय थिए ।
विश्वभर फैलिएको कोभिड १९ महामारीको समयमा घलेले नेपाल सरकारलाई करिब सवा करोड बराबरको सेनिटाईजर सहयोग उपलब्ध गराएका थिए । नेता घलेको निधनले नेपाली कांग्रेस एवम् सामाजिक क्षेत्रलाई अपुरणीय क्षति पुगेको कांग्रेसका प्रमुख सचेतक लेखकले प्रेस विज्ञप्ति जारी गर्दै जनाएका छन् ।
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...