
उदयपुर। हालै भएको सवारी दुर्घटनामा परी निधन भएका यहाँको चौदण्डीगढी नगरपालिका वडा न. ७ हाङबजारका युवा फुटबल खेलाडी दिप्शन मगरको स्मृतिमा बेल्टार एकता क्लबले फुटबल प्रतियोगिताको आयोजना गर्ने भएको छ।
बेल्टार एकता फुटबल क्लबका गोलरक्षक समेत रहेका दिप्सन मगरको गत साउन १७ गते मोटरसाइकल दुर्घटना अल्पायुमै निधन भएको थियो। उनै दिप्सनको सम्झनामा यही भदौ २३ गते शनिबादरदेखि प्रथम दिप्शन मगर स्मृति फुटबल प्रतियोगिता–२०८० हुने भएको हो।
आयोजक बेल्टार एकता क्लबसहित तालतलैया फुटबल क्लब (सुनसरी), कटारी फुटबल क्लब(उदयपुर), गाइघाट फुटबल क्लब, बेलका नगरपालिका, फ्युजन फुटबल क्लब(बोक्से), न्यु त्रियुगा स्पोर्टस क्लब (फत्तेपुर) र लालिगुराँस फुटबल क्लब(भागलपुर) गरी जम्मा ८ समूहले प्रतियोगितामा भाग लिने भएका छन्।
विजेता हुने टिमलाई ५० हजार रुपैयाँ नगदसहित ट्रफी, मेडल र प्रमाण पत्र प्रदान गरिनेछ भने उपविजेता टिमलाई ३० हजार रुपैयाँ नगदसहित ट्रफी, मेडल र प्रमाण पत्र प्रदान गरिने भएको छ।
प्रतियोगितामा अन्य विभिन्न विधागत पुरस्कारहरु पनि रहेको आयोजक क्लबले जनाएको छ। सो प्रतियोगिताको विभिन्न वेभ साईटमा समेत प्रत्यक्ष प्रशारण गरिने आयोजक बेल्टार एकता क्लवले जनाएको छ।
बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....
१.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...