कोरोनाबाट युरोपियन देश प्रभावित मर्नेको सख्या ५ हजार

काठमाडौं । उत्तरी छिमेकी राष्ट्र चीनको वुहानबाट फैलिएको कोरोना भाइरसको प्रकोप युरोपीयन देशमा समेत फैलिएपछि विश्वको अर्थतन्त्र नराम्ररी प्रभावित भएको छ । जसले गर्दा मानिसको जीवन शैलीलाई नै समस्याग्रस्त बनाउन थालेका छ ।

विश्व स्वास्थ्य संगठनको पछिल्लो विवरण अनुसार हालसम्म कोरोना भाइरसका कारण मृत्यु हुनेको संख्या .४ हजार ९ सय ८४ पुगेको छ । कोरानो भाइरसकको संक्रमणबाट हालसम्म १ लाख ३४ हजार ९ सय ४ जना प्रभावित बनिसकेका छन् । तर, संक्रमितमध्ये ७० हजार ३ सय ९४ जनाको भने सफल उपचारपछि घर फर्किसकेका छन् ।

कोरोना भाइरसका युरोपियन देशहरु इटाली र स्पेन नराम्ररी प्रभावित भएका छन । पछिल्लो विवरण अनुसार इटलीमा मात्रै १ सय ७५ जनाको मृत्यु भएको छ भने स्पेनमा ६३ जनाको मृत्यु भएको छ ।

इटलीमा ३ हजार ४ सय ९७ जना नया संक्रमित देखिएका छन भने भने इरानमा १ हजार ३ सय ६५ र स्पेनमा १ हजार १ सय ५९ नयाँ संक्रमित भेटिएको पुष्टि भएको छ । कोरोना भाइरसको संक्रमण देखिएको चीनमा पछिल्लो एक दिन यता १० जनाको मृत्यु भएपनि एक जना पनि नयाँ बिरामी नदेखिएको जनाइएको छ ।

गत डिसेम्बरमा चीनको वुहानमा कोरोना भाइरसको संक्रमण पत्ता लागेपछि पहिलो पटक नयाँ संक्रमित हाल नभेटिएका हुन् । इरानमा पछिल्लो पटक थप ९७ जनाको मृत्यु भएपछि मृतकको संख्या ६ सय ११ पुगेको छ ।

पछिल्लो २४ घन्टामा कोरोना भाइरसको संक्रमणबाट ४ सय ५ जनाको मृत्यु भएको छ भने ११ हजार ५१ जना नयाँ संक्रमित भेटिएका छन् । यसरी नयाँ संक्रमित हुनेमा सबैभन्दा बढी युरोपेली मुलुकका छन् ।

हालसम्म चीनमा ३ हजार १ सय ९९, इटालीमा १ हजार ४ सय ४१, इरानमा ६ सय ११, दक्षिण कोरियामा ७५, स्पेनमा १ सय ९६, जर्मनीमा ९, फ्रान्समा ९१, अमेरिकामा ५७, स्वीट्जरल्यान्डमा १३, बेलायतमा २१, नेदरल्यान्डस्मा १२, जापानमा २२ जनाको कोरोना भाइरसका कारण मृत्यु भइसकेको छ ।

विश्व स्वास्थ्य संगठनका महानिर्देशक टेड्रोस एड्हानोम गेहब्रेयसले देशहरूलाई आक्रामक कदम चाल्न, समुदायलाई परिचालन गर्न र मृत्यु हुन नदिन मानिसहरूबीच दूरी कायम राख्न आग्रह गरेका छन् । चीनपछि सबैभन्दा बढी इटलीमा संक्रमित र मृत्यु हुनेको संख्या रहेको छ । युरोपमा इटलीपछि स्पेन प्रभावित बनेको छ । विश्व स्वास्थ्य संगठनका अनुसार विश्वका १ सय ४२ देशमा कोरोना भाइरसको संक्रमण देखिएको छ ।

पछिल्ला दिनमा कोरोना भाइरसको संक्रमितको सख्या बढ्न थालेपछि पाकिस्तानले विदेशी मुलुकसँगको हवाई सम्वन्धमा प्रतिवन्ध लगाएको छ । त्यहाँको सरकारले शनिबारदेखि सबै कलेज, विद्यालय र हलहरु बन्द गर्न तथा स्वदेशका विद्यार्थीलाई घर फर्कन वा कोठामै सुरक्षीत बस्न निर्देशन दिइसकेको छ ।

जसका कारण उच्च शिक्षा अध्ययन गर्न पाकिस्तामा रहेका हजारौं विद्यार्थी समस्यामा परेका छन् । उनीहरुलाई नेपाल कसरी सुरक्षीत फिर्ता पठाउने भन्ने सम्वन्धमा नेपाल सरकारले कुनै कदम चालेको छैन भने पाकिस्तानका लागि नेपाली राजदूत सेवा अधिकारी र अन्य कर्मचारीले अनभिज्ञता व्यक्त गरेका छन् ।

विदेशस्थित नेपाली राजदूत र राजदूतावासको गैरजिम्मेवारपूर्ण व्यवहारबाट विदेशमा वस्दै आएका नेपाली नागरिकले सँधै दुख पाउँदै आएका छन् । जिम्मेवारी भन्दा सेवा सुविधा पाउने उदेश्यले कुटनीतिक क्षेत्रमा लागेका नेपाली कर्मचारीका कारण नेपाली नागरिकले समस्या पर्दा राहत पाउन नसकेका हुन् ।