एसियन कपः चीन र ताजकिस्तान बराबरीमा,अस्ट्रेलियासँग भारत २–० ले पराजित – Naya Bikalpa
November 17, 2026, Tuesday      Epaper

एसियन कपः चीन र ताजकिस्तान बराबरीमा,अस्ट्रेलियासँग भारत २–० ले पराजित

काठमाडौं । एफसी एसियन कप फुटबलमा चीन र ताजकिस्तानले बराबरी खेलेका छन् । कतारमा जारी प्रतियोगिता अन्तर्गत शनिबार भएको खेलमा समूह ‘ए’मा रहेको चीन र ताजकिस्तानले गोलरहित बराबरी खेलेका हुन् ।
चीनविरुद्ध ताजकिस्तानले बल पोसेसन बढी राखे पनि गोल गर्न भने असफल भयो । ८२ औं मिनेटमा चीनका लागि झू चेनले गोल गरे पनि भारले चेक गरेर अफसाइड घोषणा गरे पछि त्यसले मान्यता पाएन । बराबरीसँगै दुवै टिमले तालिकामा एक एक अंक लिएका छन् ।
समूह ‘ए’मा घरेलु टोली कतार स्पष्ट ३ अंकका साथ तालिकाको शीर्ष स्थानमा रहँदा चीन र ताजकिस्तान एक एक अंकका साथ दोस्रो र तेस्रो स्थानमा छन् । लेबनानले भने खाता खोल्न सकेको छैन ।

एसियन कप फुटबलः अस्ट्रेलियासँग भारत २–० ले पराजित

कतारमा जारी एफसी एसियन कप फुटबलमा अस्ट्रेलिया विजयी भएको छ । शनिबार भएको खेलमा अस्ट्रेलियाले भारतविरुद्ध २–० गोल अन्तरले जित निकाल्यो । पहिलो हाफ गोलरहित बराबरीमा सकिएको खेलमा अस्ट्रेलियाले दुवै गोल दोस्रो हाफमा गरेको हो ।

५०औं मिनेटमा अस्ट्रेलियाले अग्रता बनाउन सफल भयो । भारतीय गोलकिपर गुरप्रित सिंह सन्धूले गल्ती गर्दा त्यसको फाइदा उठाउँदै ज्याक्सन इरविनले गोल गरेका थिए ।

७३ औं मिनेटमा अस्ट्रेलियाका जाडोन बोसले रेलि म्याकेग्रीको पासमा गोल गर्दै अग्रता दोब्बर बनाए । त्यसपछि दुवैतर्फबाट थप गोल नभएपछि अस्ट्रेलिया २–० को जितका साथ प्रतियोगितामा सुखद् सुरुआत गर्न सफल भयो ।

अस्ट्रेलियन टिम भारतविरुद्ध सुरुदेखि नै हावी भए पनि भारतीय कप्तान सुनिल क्षत्रीले १६औं मिनेटमा गरेको हेडर पोस्टभन्दा बाहिर गएको थियो । जितपछि समूह ‘बी’मा अस्ट्रेलिया ३ अंकका साथ शीर्ष स्थानमा रहेको छ भने भारत पुछारमा रहेको छ ।

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०८० पुष २९, ११: ४४

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८० पुष २९, ११: ४४

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८० पुष २९, ११: ४४

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...