
काठमाडौं । दिवङ्गत गायक तथा सङ्गीतकार योगेश वैद्यलाई सङ्गीतकर्मीले श्रद्धाञ्जलि दिएका छन् । उनको पार्थिव शरीरलाई श्रद्धाञ्जलिका लागि नक्सालस्थित संगीत तथा नाट्य प्रज्ञा प्रतिष्ठानमा राखिएको छ ।
त्यहाँ पुगेर वरिष्ठ सङ्गीतकार शम्भुजीत बास्कोटा, सङ्गीतकारहरू चेतन सापकोटा, वसन्त सापकोटा, महेश खड्का, मिलन मोक्तानलगायतले फूलमाला समर्पण गरेर वैद्यप्रति श्रद्धाञ्जली व्यक्त गरे ।
नेपाल सङ्गीतकार संघले श्रद्धाञ्जलि सभाको आयोजना गरेको हो । शवमा पुष्पगुच्छा अर्पण गर्दै सङ्गीतकर्मीले नेपाली संगीतमा वैद्यले पुर्याएको योगदानको स्मरण गरे ।
७७ वर्षीय गायक तथा सङ्गीतकार वैद्यको बिहीबार राति निधन भएको हो । उनी लामो समयदेखि मधुमेह रोगबाट पीडित थिए ।
उनका ‘सपना भुलाई सारा’, ‘मेरो आँसुमा नहाँसे’, ‘नेपाल मेरो उपहार भो’ लगायत गीत लोकप्रिय छन् । उनले नेपाल भाषाका गीतसमेत गाएका छन् । वैद्यको केही बेरपछि पशुपति आर्यघाटमा अन्तिम संस्कार गरिनेछ ।
बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...