गण्डकीको मुख्यमन्त्रीबाट पाण्डेले दिए राजिनामा – Naya Bikalpa
November 16, 2026, Monday      Epaper
ठूलो दलको हैसियतले पुनः मुख्यमन्त्री बन्ने योजना

गण्डकीको मुख्यमन्त्रीबाट पाण्डेले दिए राजिनामा

पोखरा। गण्डकी प्रदेशका मुख्यमन्त्री सुरेन्द्रराज पाण्डेले बुधबार प्रदेश प्रमुख डिल्लीराज भट्टसमक्ष पदबाट राजीनामा दिएका छन्।

गत फागुन २३ गते नेकपा माओवादी केन्द्रले समर्थन फिर्ता लिएपछि पाण्डेले विश्वासको मत लिने संवैधानिक बाटो छोडेर पदबाट राजिनामा दिएका हुन्।

प्रदेश सरकारलाई समर्थन गरिरहेको माओबादी केन्द्रले समर्थन फिर्ता लिएपछि संविधान अनुसार एक महिनाभित्र अर्थात भोली चैत २२ गतेसम्म उनले विश्वासको मत लिनु पर्ने थियो । तर, पाण्डेले विश्वास प्राप्त गर्ने सन्दर्भमा ढुक्क नभएपछि पदबाट राजीनामा दिएका हुन्।

६० सदस्यीय गण्डकी प्रदेशमा नेपाली कंग्रेस सबैभन्दा ठूलो दल छ। कांग्रेससँग २७ प्रदेश सभा सदस्य छन् । बहुमतका लागि राप्रपाका दुई जना र नेकपा एकीकृत समाजबादीबाट राजिनामा दिएर स्वतन्त्र हैसियतमा रहेका दिपक मनाङ्गे उर्फ दिपक गुरुङको समर्थन अनिवार्य छ ।

मुख्यमन्त्री पाण्डेको बिरुद्ध राप्रपाका दुई र स्वतन्त्रसांसद लाग्ने स्थिति नभए पछि मुख्यमन्त्री पाण्डेले अन्य दलको समिकरणबाट प्रदेश सरकार बन्ने अवस्था नदेखे पनि सबैभन्दा ठूलो दलको हैसियतमा फेरि मुख्यमन्त्री बन्नको लागि पदबाट राजिनामा दिएको स्रोतले बतायो।

गण्डकी प्रदेश सभामा वर्तमान सत्ता समिकरणमा रहेका दलमध्ये नेकपा एमालेका २२ माओवादीका ७ सांसद छन्। बहुमतको लागि यो प्रदेशमा सत्ता गठबन्धनले राप्रपाका दुई सांसदको समर्थन लिनु पर्छ।

माओबादी केन्द्रबाट निर्वाचि कृष्णप्रसाद धिताल सभामुख भएकाले उनले सरकार निर्माणको पक्षमा वा विपक्षमा मतदान गर्न पाउँदैनन्। त्यसैले आफू पुन मुख्यमन्त्री बन्ने योजनाका साथ पाण्डेले राजिनामा दिएको कांग्रेसका नेताहरु बताउँछन्।

सत्ता साझेदार दल नेकपा एमालेले गण्डकी प्रदेशको मुख्यमन्त्री आफ्नो भागमा परेको भन्दै नेतृत्वको चाहना लिएको छ ।

सम्बन्धित समाचार

दुर्घटनामा परिवारका ६ सदस्य गुमाएका यादवलाई गगन थापाको सान्त्वना
दुर्घटनामा परिवारका ६ सदस्य गुमाएका यादवलाई गगन थापाको सान्त्वना
  • २०८० चैत्र २१, १२: १३

सर्लाही । नेपाली कांग्रेसका सभापति गगनकुमार थापा आफ्नो निर्वाचन क्षेत्र सर्लाही–४ अन्तर्गत धनकौलस्थित छठ घाटमा पुगेर छठ पर्वमा सहभागी भएका...

अस्ताउँदो सूर्यलाई दिइयो अर्घ्य
अस्ताउँदो सूर्यलाई दिइयो अर्घ्य
  • २०८० चैत्र २१, १२: १३

काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...

एनपिएल : कर्णालीले चितवनलाई हरायो
एनपिएल : कर्णालीले चितवनलाई हरायो
  • २०८० चैत्र २१, १२: १३

काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...