बझाङ प्रदेशसभा सदस्यमा एमालेका भण्डारी २६६ मतान्तरले विजयी

नयाँ विकल्प राजनितिक व्यूराे
प्रकाशित मिती: २०८१ बैशाख १७, १४: २४

बझाङ। सुदूरपश्चिम प्रदेश सभा सदस्यको लागि बझाङ क्षेत्र नम्वर १ (१) मा भएको उपनिर्वाचनमा सत्तारुढ घटक नेकपा एमालेका उम्मेदवार दमन बहादुर भण्डारी विजयी भएका छन्।

नेपाली कांग्रेसका उम्मेदवार अभिषेकबहादुर सिंहलाई पराजित गर्दै दमनले सुदूरपश्चिम प्रदेशसभा सदस्यमा विजयी बनेका हुन्। योसँगै एमालेले सुदूरपश्चिम प्रदेशमा एक जना सदस्य बढाएको छ।
यसअघि सो क्षेत्रमा विजयी भएका कांग्रेसका पृथ्बीबहादुर सिंहको दुर्घटनामा मृत्यु भएपछि एक सीट रिक्त थियो।

सोमबार दिउँसो प्रकाशित भएको मतपरिणाम अनुसार विजयी भएका भण्डारीले ११ हजार ६१२ मत प्राप्त गर्दा काङ्ग्रेसका अभिषेक सिंहले ११ हजार ३४६ मत प्राप्त गरेका छन्।

माओवादी केन्द्रका जनकबहादुर बुढाले ३ हजार ८३१ र एकीकृत समाजवादीका दिल बहादुर सिंहले २ हजार ५१४ मत ल्याएका छन्।

शनिवार भएको उपचुनावमा ३० हजारभन्दा धेरै मतदान भएको थियो। २०७९ मा भएको चुनावमा यस क्षेत्रमा कांग्रेसका पृथ्वी बहादुर सिंहले १७ हजार १ सय १२ मत ल्याएर निर्वाचित भएका थिए । एमालेका अफिलाल ओखेडाले १३ हजार ३ सय ३६ मत ल्याएका थिए ।