मन्त्रीको नाम छान्न कोइराला निकटका नेताहरु छलफलमा

नयाँ विकल्प राजनितिक व्यूराे
प्रकाशित मिती: २०८१ असार ३०, १३: ४०

काठमाडौं। कांग्रेस इतर समूहका नेता डा. शेखर कोइरालाले नयाँ सरकारमा पठाउने मन्त्रीको विषयमा आफू निकटका नेतासँग छलफल गरेका छन्।

आइतबार विशालनगरस्थित् कोइरालाको सचिवालयमा बसेको बैठकमा उनले पछिल्लो राजनीतिक अवस्था र आफ्नो समूहबाट सरकारमा सहभागी गराउने मन्त्रीको टुंगो लगाउन छलफल गरेका हुन्।

बैठकमा कांग्रेस उपसभापति धनराज गुरुङ, महामन्त्री गगनकुमार थापा, सहमहामन्त्रीद्वय बद्री पाण्डे र जीवन परियार, पूर्वसहमहामन्त्री अर्जुननरसिंह केसी, नेताहरु बलबहादुर केसी, दिलेन्द्र प्रसाद बडू, डा.मिनेन्द्र प्रसाद रिजाल र डा.चन्द्र भण्डारीलगायतको सहभागिता थियो।

छलफलमा नेताहरूले आ–आफ्नो धारणा राखेका थिए। नयाँ सत्ता समीकरण भएसँगै मन्त्रीहरू टुंगो लगाउन दौडधुप जारी रहेको बेला बिकसित पछिल्लो राजनीतिक अवस्था र समुहबाट सरकारमा मन्त्री पठाउने बिषयमा आज कांग्रेस नेता शेखर कोइरालाले छलफल गरेका हुन्।