
काठमाडौं : आईसीसी विश्वकप लिग–२ प्रतियोगितामा नेपाल ओमनसँग एक विकेटले पराजित भएको छ । नेपालले दिएको दुई सय २० रनको लक्ष्य भेट्टाउँदै ओमानले जित हासिल गरेको हो ।
क्यानडाको म्यापल लिफ नर्थ–वेस्ट ग्राउन्ड (ए), किङ सिटी, अन्टेरियोमा भएको खेलमा ओमानले टस जितेर पहिले बलिङ गर्ने निर्णय गरेको थियो । ओमानले नेपालले दिएको लक्ष्य ४९ दशमलव ५ ओभरमा नौ विकेटको क्षतिमा भेट्टाएको हो ।
ओमानका ओपमर जतिन्द्र सिंहले सर्वाधिक ४१ रन बनाए । काश्यप प्रजापतीले ३६, कप्तान अकिव इलियासले २९, प्रतीक अथाभालेले ३६, शोइब खानले २६ रन बनाउँदा शकिल अहमेद १७ रन बनाउँदै अविजित रहे ।
नेपालका गुलसनकुमार झाले सर्वाधिक पाँच विकेट लिए । करण केसीले दुई विकेट लिँदा सन्दीप लामिछाने र आरिफ शेखको नाममा समान एक विकेट रह्यो ।
त्यसअघि नेपालले गुलसनकै आक्रामक इनिङ्समा निर्धारित ५० ओभर खेल्दै ९ विकेट गुमाएर २२० रन बनाएको थियो । कप्तान रोहितकुमार पौडेलले सर्वाधिक ६० रन बनाए । गुलसनले ३५ बलमा तीन चौका र पाँच छक्कासहित ५३ रन बनाउँदा आरिफ शेखले ३५ रनको योगदान दिए ।
वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...
काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...
काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...