साफ महिला च्याम्पियनसिप : बंगलादेश समूह विजेता बन्दै सेमिफाइनलमा – Naya Bikalpa
November 16, 2026, Monday      Epaper

साफ महिला च्याम्पियनसिप : बंगलादेश समूह विजेता बन्दै सेमिफाइनलमा

काठमाडौं : काठमाडौंमा जारी साफ महिला च्याम्पियनसिप फुटबलमा साविक विजेता बंगलादेश सेमिफाइनलमा प्रवेश गरेको छ । बुधबार त्रिपुरेश्वरस्थित दशरथ रंगशालामा भएको खेलमा भारतलाई ३–१ गोल अन्तरले पराजित गर्दै बंगलादेश समूह ‘ए’बाट विजेताको हैसियतमा सेमिफाइनलमा स्थान पक्का गरेको हो ।

यो समूहबाट भारत उप विजेताको हैसियतमा सेमिफाइनलमा पुग्दा पाकिस्तान भने बाहिरिएको छ । बंगलादेशको चार अंक भएको छ भने भारतको तीन अंक रहेको छ । पाकिस्तान भने एक अंकसहित प्रतियोगिताबाट बाहिरिन पुग्यो ।

खेलको १९औं मिनेटमा अफेइदा खान्डाकेरले गोल गर्दै बंगलादेशलाई अग्रता दिलाएकी थिइन् । त्यसपछि तोहुरा खातुनले २९औं मिनेटमा गोल गरी अग्रता दोब्बर पारिन् । तोहुराले नै ४२औं मिनेटमा गोल गरेपछि बंगलादेशले पहिलो हाफमै ३–० को अग्रता लियो । त्यसको अर्को मिनेटमै भारतका लागि बालादेवीले गोल गर्दै गोल अन्तर घटाइन् । दोस्रो हाफमा पनि भारतले गोल फर्काउने प्रयास गरेको थियो । तर सफल हुन सकेन । दोस्रो हाफमा दुवै टोलीले गोल गर्ने केही अवसर बनाएपनि सदुपयोग गर्न सकेन ।

च्याम्पियनसिप अन्तर्गत बिहीबार समूह चरणका अन्तिम दुई खेल हुनेछ । समूह बी अन्तर्गत भुटान र माल्दिभ्सबीच दिउँसो साढे १ बजे खेल शुरु हुनेछ भने घरेलु टोली नेपालले साढे ५ बजे हुने खेलमा श्रीलंकासँग खेल्नेछ ।

सम्बन्धित समाचार

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८१ कार्तिक ७, २०: ०७

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८१ कार्तिक ७, २०: ०७

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८१ कार्तिक ७, २०: ०७

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...