रवीको रिहाईको माग गर्दै बालुवाटार घेराउ गर्ने सांसदसहित रास्वपाका ३३ पक्राउ – Naya Bikalpa
November 16, 2026, Monday      Epaper

रवीको रिहाईको माग गर्दै बालुवाटार घेराउ गर्ने सांसदसहित रास्वपाका ३३ पक्राउ

काठमाडौं। सहकारी ठगी प्रकरणमा पक्राउ परेका पार्टी सभापति रवी लामिछानेको रिहाइ माग गर्दै बालुवाटारमा प्रदर्शन गर्ने राष्ट्रिय स्वतन्त्र पार्टी (रास्वपा)का एक सांसदसहित ३३ नेता–कार्यकर्ता पक्राउ परेका छन्।

पक्राउ पर्नेमा रास्वपा सांसद अशोक चौधरीसहित ३३ जना हुन्। सहकारी ठगी प्रकरणमा कात्तिक २ गते लामिछाने पक्राउ परेसँगै रास्वपाले पहिले पोखरा र पछि काठमाडौंमा निरन्तर प्रदर्शन गर्दै आएको छ।

रास्वपाको आव्हानमा मंगलबार बालुवाटार केन्द्रित प्रदर्शन भएको थियो। प्रदर्शनकारीले निषेधित क्षेत्र तोड्न खोजेपछि प्रहरीले नेता कार्यकर्तालाई पक्राउ गरिएको जिल्ला प्रहरी परिसर काठमाडौंले जनाएको छ।

दिउँसो १२ बजे तय भएको प्रदर्शनअघि नै बालुवाटार पुगेका केही नेता कार्यकर्तालाई प्रहरीले नियन्त्रणमा लिएको थियो।

पक्राउ पर्नेमा रास्वपाका काठमाडौं जिल्ला सभापति प्रदीप विष्ट, ललितपुर सभापति बुद्धरत्न महर्जन, अन्य कार्यकर्ताहरु खुसीराम कैनी, जयराम नेपाल, सुरेन्द्र अवाले, नवराज भण्डारी, सहिल प्रयास, उमेश लामा, नवराज मुडभरी, ध्रुव ढकाल र सवि खड्का रहेका छन् ।

रास्वपाका कार्यवाहक महामन्त्री कविन्द्र बुर्लाकोटीका अनुसार प्रहरीले पक्राउ गरेका उनीहरूलाई विभिन्न प्रहरी वृत्तमा राखिएको छ।

सम्बन्धित समाचार

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८१ कार्तिक १३, १४: १४

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०८१ कार्तिक १३, १४: १४

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...

दुर्घटनामा परिवारका ६ सदस्य गुमाएका यादवलाई गगन थापाको सान्त्वना
दुर्घटनामा परिवारका ६ सदस्य गुमाएका यादवलाई गगन थापाको सान्त्वना
  • २०८१ कार्तिक १३, १४: १४

सर्लाही । नेपाली कांग्रेसका सभापति गगनकुमार थापा आफ्नो निर्वाचन क्षेत्र सर्लाही–४ अन्तर्गत धनकौलस्थित छठ घाटमा पुगेर छठ पर्वमा सहभागी भएका...