- अनामनगर काठमाडौँ
- infobikalpa21@gmail.com
काठमाडौं। दशरथ रंगशालामा प्रधानमन्त्री केपी शर्मा ओलीको हत्या गर्न उक्साएको भन्दै नेपाल प्रहरी र जापानस्थित नेपाली दूतावासको निगरानीमा परेपछि रतन कार्कीले माफी मागेका छन्।
अघिल्लो साता काठमाडौंमा भएको साफ यू २० च्याम्पियनसिप २०२४ को फाइनल खेलको क्रममा ‘प्रधानमन्त्रीलाई मार्न’ भन्दै रतन कार्कीले भिडिओ बनाएका थिए।
त्यसपछि कार्कीको खोजीमा प्रहरी लागेको हो। उनी जापानमा रहेकाले पक्राउको लागि त्यहाँको प्रहरीसँग समन्वय भइरहेको प्रहरी स्रोतले जनाएको छ।
जापानमा बस्दै आएका कार्कीले टेलिभिजनमा प्रतियोगिता हेर्दै सामाजिक सञ्जालमा रंगशालाका दर्शकलाई प्रधानमन्त्रीको हत्या गर्न उक्साएका थिए।
कार्कीले फेसबुक लाइभ गर्दै भनेका थिए, ‘आज गरौं, यत्तिचाहिँ गरिहालौं के! आज गरिएन भने हामी धेरै पछुताइन्छ। आँटौं साथीहरु आज। तपाईंहरुले गेम हेरिरहनुभएको होला,तर मैले अरु नै केही हेरिरहेको छु। आज हामीले चाहेम भने मार्न सकिन्छ। यत्रो मान्छे छन् एउटा ग्रुुप बनाएर घेर्ने हो भने फ्याट्टै मार्न सकिन्छ। मारेपछि मारेको मार्यै हुन्छ। आँटम त आज। आज आँटी हालौं,धेरै टाइम पनि छैन। बूढो गइहाल्छ मतलब उता जान पनि टाइम छैन, उता जान पनि छैन। बुझ्नु न यत्ति चाँही गरौं के। आज गरिएन भने पछुताइन्छ साथीहरु।’
अहिले भने उनले खेल हेर्ने क्रममा आक्रोशित भएर त्यस्तो अभिव्यक्ति दिन पुगेको जनाउँदै अन्यथा नलिन आग्रह गरेका छन्।
‘खेल त सबैले हेर्नुभयो होला। हामीले जित्यांै वा हार्यौं, त्यो आफ्नै ठाउँमा छ। सिक्दैछौं। गेमको दौरानमा फ्रस्टेसनको कारण जिब्रो चिप्लिएको हो। मार्नुपर्छ भन्ने शब्द बोल्न पुगेँ। मेरो तात्पर्य गलत भयो। शैली कमेडी भयो। मार्नुपर्छ भन्दा फ्रस्टेसन पोखिएको हो, अलिकति नेगेटिभ इनर्जी भयो। तर, यसलाई कुनै पनि पोलिटिकल व्यक्तिहरुले, कुर्सीमा बस्नुभएका व्यक्तिहरुले मलाई नै प्रहार गर्न खोजेको हो भनेर नबुझिदिनुहोला। मेरो इन्टेन्सन त्यस्तो थिएन। म सबैमा माफी माग्न चाहन्छु’ उनले भिडियोमा भनेका छन्।
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...
काठमाडौं । संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा सहभागी भएर अर्थमन्त्री डा. स्वर्णिम वाग्ले आज...
