जाजरकोटमा सोमबार एकै दिन भए २ वटा दुर्घटना, २० जना घाइते

नयाँ विकल्प संवाददाता
प्रकाशित मिती: २०८१ कार्तिक २६, १६: १८

जाजरकोट। जाजरकोटको बाउसे खोला र भेरी नगरपालिकाको स्याउले भन्ने ठाउँमा जीप दुर्घटना हुँदा २० जना घाईते भएका छन्।

आज बिहान ११ बजे जिल्लाको बारेकोटबाट सदरमुकाम खलङ्गा आउँदै गरेको ध १ ज ५९५ नम्बरको बोलेरो जिप नलगाड नगरपालिका–४ को बाउसे खोलाको जिरो प्वाइन्टमा दुर्घटना भएको जिल्ला प्रहरी कार्यालय जाजरकोटले जनाएको छ।

दुर्घटनामा तीन जना घाइते भएको र उनीहरूलाई उपचारका लागि जिल्ला अस्पताल जाजरकोट पठाइएको थियो। जीप बीच सडकमै पल्टिएको थियो।
त्यस्तै, केही बेरअघि जाजरकोटकै कुदुमा फोर्स गाडी दुर्घटना हुँदा १७ जना घाइते भएका छन्।

सोमबार बिहान साढे ११ बजेतिर भएको दुर्घटनामा अहिलेसम्म १७ जना घाइते भएको जिप्रका जाजरकोटका सूचना अधिकारी प्रहरी निरीक्षक दिनेश तिमिल्सिनाले जानकारी दिए।

बा ५ख १८९२ नम्बरको गाडी भेरी नगरपालिका–७ स्याउले बजारबाट नेपालगञ्जतर्फ जाँदै गरेकोमा जाजरकोट–छिन्चु सडकअन्तर्गत कुदुमा दुर्घटना भएको हो।

२१ जना सवार रहेको गाडीमा १७ जना घाइते भएको र उनीहरुको उद्दार गरी कुदुका स्थानीय स्वास्थ्य संस्थामा उपचार भइरहेको तिमिल्सिनाले बताए। गाडी सडकबाट ५० मिटर तल खसेको छ।