- अनामनगर काठमाडौँ
- infobikalpa21@gmail.com
काठमाडौं। नेपाल विद्युत् प्राधिकरणका कार्यकारी निर्देशक कुलमान घिसिङले उद्योगीहरुले विद्युत महसुलको बक्यौता रकम अबको १५ दिनभित्र नतिरेमा फेरि लाईन काट्ने जनाएका छन्।
राजधानीमा बुधबार पत्रकार सम्मेलन आयोजना गर्दै कार्यकारी निर्देशक घिसिङले सरकारले गरेको निर्णय कार्यान्वयन गर्नका लागि महशुल नबुझाएका उद्योगहरूको लाइन पुनः जडान गरेको भन्दै अब १५ दिनभित्र वक्यौता रकम नउठे पुनः लाइन काट्ने जनाएका हुन्।
यसअघि पनि बक्यौता नतिरेकैका कारण कानुनबमोजिम लाइन काटेको भन्दै उनले अहिले मन्त्रिपरिषद्को निर्णयअनुसार अघि बढेको बताए।
ट्रकलाइन तथा डेडिकेटेड विद्युत् महसुल बक्यौताको सम्बन्धमा प्राधिकरणले जारी गरेको बिललाई नियामक निकायले स्वीकृत गरेको भन्दै उनले उद्योगीहरूले बक्यौता तिर्नै पर्ने बताए।
घिसिङले ट्रक तथा डेडिकेटेड विद्युत् महसुल दीर्घकालीन रूपमा समाधान गर्नु पर्ने बताए। उनले सरकार, प्राधिकरण मात्रै नभइ आमजनसरोकारको विषय भएको भन्दै महसुलको बक्यौता उठाउन अप्रत्यक्ष रुपमा आम नेपालीको समर्थनको खोजी गरे।
उनले विभिन्न कारणले अन्य विद्युत् महसुल उठाउन समस्या देखिएकाले यसले समग्र प्राधिकरणको आर्थिक प्रणालीमा असर पर्ने जनाए।
विद्युत महशुल तिर्नका लागि आनकानी गर्दै केही उद्योगीहरूले यसलाई राजनीतिकरण गर्न खोजेको उनको आरोप थियो।
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...
काठमाडौं । संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा सहभागी भएर अर्थमन्त्री डा. स्वर्णिम वाग्ले आज...
