- अनामनगर काठमाडौँ
- infobikalpa21@gmail.com
नयाँ विकल्प,
काठमाडौं । प्रधानमन्त्री केपी शर्मा ओलीको गृह जिल्ला झापामा हात्तिको आक्रमणबाट विहीबार राति एक पुरुषको मृत्यु भएको छ ।
ओलीको निर्वाचन क्षेत्रमा पर्ने कमल गाउँपालिका वडा नं ५ स्थित टुक्रेका ५८ बर्षीय रोहित रेग्मीको गए राति २ बजे हात्तिको आक्रमणबाट मृत्यु भएको हो इलाका प्रहरी कार्यालय दमकले जनाएको छ ।
इलाका प्रहरी कार्यालय दमकका प्रहरी निरीक्षक भवनबाबु खड्काका अनुसार रतुवा माईवृक्षरोपण आयोजनाको जङ्गलबाट आएको दुई हात्तीले परिवारसहित बस्दै आएका रेग्मीको छाप्रोमा आक्रमण गरेको थियो ।
हात्तीले आक्रमण गरेपछि ज्यान बचाउन भागेका रेग्मीलाई हात्तीले लखेटेर मारेको अवस्थामा शव भेटिएको प्रहरीले जनाएको द्ध । रेग्मीका श्रीमती र एक नातिनी भने भागेर ज्यान जोगाउन सफल भएका थिए ।
सशस्त्र प्रहरीको जग्गामा छाप्रो बनाएर बसोबास गर्दै आएका रेग्मीलाई छाप्रोबाट केही पर हात्तीले कुल्चिएर मारेको अवस्थामा पाइएको थियो । रेग्मीलाई हात्तिले कुल्चिएर मारेपछि स्थानीयले हात्तीलाई राति नै जङ्गलतर्फ धपाएको कमल–५ का वडाध्यक्ष डम्बरबहादुर निरौलाले जनाएका छन् ।
भ्mापाको पूर्वोत्तर बाहुनडाँगी क्षेत्रमा जनधनको क्षति गर्दै आएको जंगली हात्ति पछिल्ला दिनमा झापाको रतुवा–माई बृक्षारोपणको जंगलबाट निस्किएर उत्तरी झापाका विभिन्न स्थानामा क्षति पुर्याउँदै आएको छ ।
काठमाडौं । चीनले नेपालको मौसमसम्बन्धी पूर्व–सूचना तथा विपद् प्रतिकार्य क्षमता अभिवृद्धि गर्ने उद्देश्यले कृत्रिम बुद्धिमत्ता (एआई)मा आधारित मौसम पूर्व–सूचना प्रणाली...
काठमाडौँ । परराष्ट्रमन्त्री शिशिर खनाल र अमेरिकी राजनीतिक मामिलासम्बन्धी उपविदेशमन्त्री एलिसन हुकरबीच द्विपक्षीय भेटवार्ता भएको छ । भेटका क्रममा नेपाल–अमेरिका...
काठमाडौं : नेपाली कांग्रेसले आज देशैभर पालिका तहको अधिवेशन गर्दै छ । पार्टीको १५औँ महाधिवेशनअन्तर्गत स्थानीय तहको सांगठनिक संरचना निर्माण...
