डडेल्धुरा अस्पतालमा एक काेराेना संक्रमितको मृत्यु

नयाँ विकल्प
प्रकाशित मिती: २०७७ आश्विन ८, ०९: १३

नयाँ विकल्प

डडेल्धुरा- कोराना संक्रमणका कारण नवदुर्गा गाउँपालिकाका ४८ वर्षीय पुरुषको गएराति डडेल्धुरा अस्पतालमा उपचारका क्रममा मृत्यु भएको छ । केही दिनअघि भारतबाट आएका उनलाई श्वासप्रश्वासमा समस्या आएपछि अस्पताल ल्याइएको थियो । नवदुर्गा गाउँपालिकाको एम्बुलेन्समार्फत डडेल्धुरा अस्पताल पुर्‍याइएका पुरुषलाई भारतमै कोरोना पुष्टि भएको थियाे । उनकाे डडेल्धुरा अस्पतालको प्रयोगशालामा पनि काेराेना परीक्षण गरिएकाे थियाे ।

परीक्षणको नतिजा पाेजेटिभ आएकाे काेभिड-१९ सम्पर्क व्यक्ति हरिप्रसाद भट्टले जानकारी दिए । डडेल्धुरामा कोरोना सङ्क्रमणबाट मृत्यु भएको यो पहिलो केश हो। बिरामीलाई अस्पताल ल्याएर उपचार गर्ने क्रममा श्वास प्रस्वासको गति बन्द भईसकेको र स्वाब परीक्षण गर्दा कोराेना पोजेटिभ आएको अस्पतालका मेडिकल सुपरीटेण्डेन्ट जगदीश बिष्टले जानकारी दिए ।

योसँगै सुदूरपश्चिम प्रदेशमा कोरोना सङ्क्रमणका कारण मृत्यु हुनेकाे सङ्ख्या १६ पुगेको छ ।