आईपीएल: मुम्बई शीर्ष स्थानमा, बाहिरियो राजस्थान – Naya Bikalpa
November 16, 2026, Monday      Epaper

आईपीएल: मुम्बई शीर्ष स्थानमा, बाहिरियो राजस्थान

काठमाडौं ।राजस्थान रोयल्सविरुद्ध १०० रनको सहज जित निकाल्दै मुम्बई इन्डियन्स इन्डियन प्रिमियर लिग (आईपीएल) शीर्ष स्थानमा उक्लिएको छ ।बिहीबार जयपुरमा सम्पन्न खेलमा मुम्बईले दिएको २१८ रनको लक्ष्य पछ्याउने क्रममा राजस्थानले १६.१ ओभरमा सबै विकेट गुमाएर ११७ रन मात्र बनाउन सक्यो ।

राजस्थानका जोफ्रा आर्चरले सर्वाधिक ३० रन बनाए । कप्तान रियान परागले १६, सुभम दुवेले १५ रन थप्दा यशस्वी जैसवालले १३ रन थपे ।यसअघि अघिल्लो खेलमा गुजरात टाइटन्सविरुद्ध ३५ बलमा शतक पूरा गरेका वैभव सूर्यवंशी यस खेलमा भने शून्यमै पभेलियन फर्किए ।

राजस्थानलाई सस्तैमा समेट्न मुम्बईका ट्रेन्ट बोल्ट र कर्ण शर्माले समान तीन विकेट लिए । जसप्रित बुमराहले दुई विकेट लिँदा हार्दिक पन्ड्या र दीपक चहरले समान एक विकेट हात पारे ।त्यसअघि टस हारेर ब्याटिङमा आएको मुम्बईले निर्धारित २० ओभरमा दुई विकेट गुमाएर २१७ रनको योगफल खडा गरेको थियो ।

मुम्बईका ओपनर रिकेलटोनले सर्वाधिक ६१ रन बनाए । उनले ३८ बलमा सात चौका र तीन छक्का प्रहार गरे । यस्तै, अर्का ओपनर रोहित शर्माले ३६ बलमा नौ चौकासहित ५३ रन थपे ।यी दुईले पहिलो विकेटका निम्ति ११६ रनको साझेदारी गर्दै मुम्बईलाई बलियो सुरुआत दिलाएका थिए । सूर्यकुमार यादव र कप्तान हार्दिक पन्ड्याले समान ४८ रन थपे ।

राजस्थानका महिस थिक्षणा र रियान परागले समान एक विकेट लिए ।जितसँगै ११ खेलबाट १४ अंक जोडेको मुम्बई तालिकाको शीर्ष स्थानमा उक्लिएको छ । यो हारसँगै राजस्थान भने आईपीएल–२०२५ को प्लेअफ समीकरणबाट बाहिरिने दोस्रो टिम बनेको छ ।

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०८२ बैशाख १९, ०८: ५५

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८२ बैशाख १९, ०८: ५५

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...

अस्ताउँदो सूर्यलाई दिइयो अर्घ्य
अस्ताउँदो सूर्यलाई दिइयो अर्घ्य
  • २०८२ बैशाख १९, ०८: ५५

काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...