- अनामनगर काठमाडौँ
- infobikalpa21@gmail.com
काठमाडौं । नेपाली राष्ट्रिय क्रिकेट टोलीका ओपनर Kushal Bhurtel ले एसियन गेम्स छनोट प्रतियोगितामा लगातार दोस्रो खेलमा शतक प्रहार गर्दै उत्कृष्ट लयलाई निरन्तरता दिएका छन्।
मलेसियाविरुद्धको खेलमा भुर्तेलले केवल ४४ बलमा शतक पूरा गर्दै आक्रामक ब्याटिङ प्रदर्शन गरे। उनले ५४ बलमा १२६ रन बनाउने क्रममा चौका र छक्काको वर्षा गरेका थिए। उनको विस्फोटक इनिङ्सका कारण नेपालले विशाल स्कोरतर्फ मजबुत अग्रता बनाएको छ।
यो समाचार तयार पार्दासम्म नेपालले १८.३ ओभरमा ५ विकेट गुमाएर २६२ रन बनाएको छ।
यसअघि भुर्तेलले चीनविरुद्धको खेलमा पनि केवल ३५ बलमा शतक प्रहार गरेका थिए। लगातार दुई खेलमा शतक बनाउँदै उनले आफ्नो उत्कृष्ट फर्म र आक्रामक ब्याटिङ क्षमतालाई पुनः प्रमाणित गरेका छन्।
नेपालको ब्याटिङ लाइनअपमा भुर्तेलको यो प्रदर्शन एसियन गेम्स छनोट अभियानका लागि महत्वपूर्ण उपलब्धिका रूपमा हेरिएको छ।
काठमाडौँ, १३ असारः उसमान डेम्बेलेको शानदार ह्याट्रिकको मद्दतमा फ्रान्सले नर्वेलाई ४–१ गोलअन्तरले पराजित गर्दै फिफा विश्वकप २०२६ अन्तर्गत समूह ‘आई’...
काठमाडौँ । नेपाल क्रिकेट संघ (क्यान) ले आइसीसी पुरुष क्रिकेट विश्वकप लिग–२ सिरिज तथा युके प्रिपेरेसन टूरका लागि रोहित पौडेलको...
काठमाडौँ । क्रोएसियाले विश्वकप फुटबलमा पहिलो जित दर्ता गरेको छ । पानामाविरुद्ध भएको प्रतिस्पर्धात्मक खेलमा क्रोएसियाले १-० को संकुचित जित...
