
नयाँ विकल्प,
काठमाडौं – त्रिपुरेश्वरस्थित दशरथ रंगशालामा भइरहेको सावित्रा भण्डारी र अनिता बस्नेतले दुई–दुई गोलको सहयोगमा नेपाली राष्ट्रिय महिला फुटबल टोलीले साफ महिला च्याम्पियनसीपमा विजयी सुरुवात गरेको छ । मंगलबार भएको खेलमा नेपालले भुटानमाथि ४–० गोलको जित निकालेको हो । त्रिपुरेश्वरस्थित दशरथ रंगशालाम नेपाललाई जित दिलाउन सावित्रा भण्डारी र अनिता बस्नेतले दुई–दुई गोल गरिन् । खेलको १२औँ मिनेटमा सावित्राले गोल गर्दै नेपाललाई अग्रता दिलाइन् । उनले हिरा कुमारी भुजेलको पासमा गोल गरेकी हुन् ।
पहिलो हाफमा १–० को अग्रता बनाएको नेपालले दोस्रो हाफमा थप तीन गोल गर्न सफल भयो । नेपालका लागि सावित्राले खेलको ६८औँ मिनेटमा व्यक्तिगत दोस्रो गोल गर्दै टिमको अग्रता दोब्बर पारिन् ।
७३ औँ मिनेटमा अनिताले गोल गर्दै नेपाललाई ३–० गोलको अग्रता दिलाइन् । अनिताले नै खेलको ८४औँ मिनेटमा व्यक्तिगत दोस्रो गोल गर्दै टिमलाई ४–० गोलको जित दिलाए । आजको जितसँगै नेपालले समूह ‘बी’ मा एक खेलबाट २ अंक जोडेको छ । यता भुटानले हारबाट प्रतियोगिताको सुरुवात गरेको छ
बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....
काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...