चलचित्र सुटिङ शुल्क ५ हजार रुपैयाँ बढ्यो

नयाँ विकल्प संवाददाता
प्रकाशित मिती: २०७९ भाद्र ३, १८: ०३

काठमाडौं । नेपालमा अन्तर्राष्ट्रिय विमानस्थलभित्र चलचित्र सुटिङ गर्दा लाग्ने शुल्कमा ५ हजार रुपैयाँले वृद्धि भएको छ । नेपाल नागरिक उड्डयन प्राधिकरणले विमानस्थल सेवा शुल्क नियमावली कार्यान्वयनमा ल्याएको छ ।

चलचित्र सुटिङ शुल्कमा ५ हजार रुपैयाँ वृद्धि भएको छ । प्राधिकरणका अनुसार अब अन्तर्राष्ट्रिय विमानस्थल भित्र चलचित्र, भिडियो चलचित्र, वृत्तचित्र खिच्दा चलचित्र निर्माताले ६ घण्टा बरावर एक पटक मानेर १५ हजार रुपैयाँ तिर्नुपर्छ ।

पहिला १० हजार रुपैयाँ मात्र रहेको थियो । उता, आन्तरिक विमानस्थलमा छायाङ्कन गर्दा ७ हजार रुपैयाँका दरले सेवा शुल्क बुझाउनु पर्छ । साविकमा यस्तो शूल्क ५ हजार रुपैयाँ मात्र रहेको थियो ।