सवारी साधनको किर्ते कागजात बनाएर कारोबार गर्ने पक्राउ

नयाँ विकल्प
प्रकाशित मिती: २०७८ असार १५, २२: ४९

नयाँ बिकल्प,

काठमाडौं– सवारी साधनको किर्ते कागजात बनाएर कारोबार गर्ने गिरोहलाई महानगरीय प्रहरी अपराध महाशाखाले पक्राउ गरेको छ ।

महानगरीय प्रहरी अपराध महाशाखाको टोलीले भन्सार छली गरी चोरी गरेर ल्याएको सवारी साधनका नक्कली सवारी दर्ता किताबसमेत बनाएर कारोबार गर्ने चार जनाको गिरोहलाई पक्राउ गरेको हो ।

ग ३ च १४६२ र प्रदेश ३–०१०२४ च ०२५३ नम्बर प्लेटको हुण्डाई कम्पनीको क्रेटा गाडीहररु भन्सार छली काठमाडौं ल्याइ ती सवारी साधनको नक्कली सवारी दर्ता किताबलगायतका कागजात तयार गरी कारोबार गर्नेलाई प्रहरीले मंगलबार सार्वनिक गरेको हो ।

पक्राउपर्नेहरुमा लमजुङको सुन्दरबजार नगरपालिका ३ घर भइ काठमाडौंको सामाखुसी बस्ने कमलबाबु भट्टलाई महानगरीय अपराध महाशाखाको टोलीले पक्राउ गरेको हो ।

यस्तै प्रहरीले भक्तपुरको चाँगुनारायण नगरपालिका ८ का अरुण खड्का र चाँगुनारायण २ का मधु सिलवाल,मोरङको बयरबन घर भइ काठमाडौंको शान्तिनगरमा बस्ने रेवती रमन निरौला रहेको महानगरीय अपराध महाशाखा प्रमुख चन्द्र कुबेर खापुङले जानकारी दिए ।

पक्राउ परेकाहरूलाई थप अनुसन्धानका लागि महानगरीय प्रहरी परिसर काठमाडौं पठाइएको महानगरीय अपराध महाशाखाले जनाएको छ ।