जातिय विभेदको आरोप लागेकी सरस्वती पुगिन रुपाविरुद्ध कारबाहीको माग गर्दै मानव अधिकार आयोग

नयाँ विकल्प
प्रकाशित मिती: २०७८ असार १६, २०: १६

नयाँ बिकल्प,

काठमाडौं – जातीय भेदभाव तथा छुवाछुत कसुरको आरोप लागेकी सरस्वती प्रधानले षड्यन्त्रमूलक तरिकाले फसाइएको भन्दै रुपा सुनार बिरुद्ध कारबाहीको माग गरेकी छिन् ।

बुधबार सरस्वती प्रधानले राष्ट्रिय मानव अधिकार आयोगमा निवेदन दिदैँ सञ्चारकर्मी रुपा सुनारमाथि आफुले कुनै प्रकारको जातिय विभेद तथा छुवाछुतको व्यवहार नगरेपनि आफुमाथि षडयन्त्र गरी प्रहरीमा थुनाएको भन्दै रुपा सुनारलाई हदैसम्मको कारबाही गर्नुपर्ने माग गरी राष्ट्रिय मानव अधिकार आयोगमा निवेदन दिएकी हुन।

उनले रुपा सुनारलाई कोठा खोज्न सहयोग गर्ने सुष्मा राई र सिर्जना राईलाई पनि कारबाही गर्नुपर्ने माग गरेकी छिन् । असार १ गते सञ्चारकर्मी रुपा सुनारलाई दलित भएका कारण कोठा नदिएको भन्दै सुनारले प्रहरी वृत्तमा उजुरी दिएसँगै ३ दिन प्रधानलाई प्रहरीले हिरासतमा राखेर अनुसन्धान गरेको थियो ।

प्रधानले निषेधाज्ञाको समयमा पीसीआर रिपोर्टबिना कोठा खोज्न हिँडेर महामारी फैलाउन खोजेको, अपराधिक कार्यका लागि कोठा खोज्न आएको तथा आफ्नो मञ्जुरी बेगर फोन रेकर्ड गरी त्यसैलाई आधार मानेर प्रहरीमा उजुरी दिएकोमा आफ्नो स्वतन्त्रताविपरीत भएकाले कारबाही गरिनुपर्ने बताएकी छिन् ।