
काठमाडौं । विद्युतीय सामाग्रीहरुको ब्यापक प्रयोग बढाउन ऊर्जा, जलस्रोत तथा सिँचाइमन्त्री पम्फा भुसालले आग्रह गरेकी छिन् । आगामी मंशिरबाट विद्युत महसुल समायोजन हुने भएपछि मन्त्री भुसालले विद्युत शुल्क कम पर्ने भएकाले विद्युतीय सामाग्री तथा सवारी साधनको प्रयोग बढाउन सुझाव दिएकी हुन् ।
‘विपद् र सामुदायिक रेडियो अन्तरक्रिया’ कार्यक्रममा बोल्दै मन्त्री भुसाले सम्पूर्ण नेपाली जनतालाई विद्युतीय सवारी साधन, घरायसी प्रयोगका समाग्रीहरुको ब्यापक प्रयोग गर्न आग्रह गरेकी हुन् ।
सामुदायिक रेडियो प्रसारक संघ नेपालले आयोजना गरेको कार्यक्रममा नेपालमा विद्युत् महसुल मंहगो भएको र आफ्नो पहिलो कदम नै महसुल समायोजन रहेको उनले बताइन् । उनले भनिन् ‘हाम्रोमा विद्युत्को दर महँगो छ । सामान्य अर्थशास्त्रअनुसार जति धेरै उत्पादन हुन्छ, लागत मूल्य कम हुन्छ । उपभोक्ताका रूपमा मेलै गरेको अनुभव जति खपत बढी भयो दर कम हुनुपर्ने हो तर यहाँ त्यस्तो छैन ।’
विद्युत्को दरमा पुनर्विचार गरेर विद्यत् मंशिर १ गतेबाट विद्युत् महसुल समायोजन गर्न लागिएको उनले बताइन् ।
काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...
सर्लाही । नेपाली कांग्रेसका सभापति गगनकुमार थापा आफ्नो निर्वाचन क्षेत्र सर्लाही–४ अन्तर्गत धनकौलस्थित छठ घाटमा पुगेर छठ पर्वमा सहभागी भएका...
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...