चितवनमा कोरोना संक्रमित ८५ वर्षीया वृद्धाको मृत्यु

नयाँ विकल्प
प्रकाशित मिती: २०७७ भाद्र २८, १२: १४

नयाँ विकल्प,
चितवन- काेराेना संक्रमणबाट चितवनमा एक वृद्धाको मृत्यु भएकाे छ । भरतपुर महानगरपालिका–५ टाइगर चोक निवासी ८५ वर्षीया वृद्धाको आइतबार विहान ६ बजे मृत्यु भएकाे हाे ।

ती वृद्धामा काेराेना संक्रमण देखिएपछि होम आइसोलेसनमा राखिएकाे थियाे । जिल्ला जनस्वास्थ्य कार्यालय चितवनले ती वृद्धाको होम आइसोलेसनमा नै मृत्यु भएकाेज जनाएकाे छ । कोरोना संक्रमितको होम आइसोलेसन मृत्यु भएको चितवनमा यो दोश्रो घटना हो।

यसअघि खैरहनी नगरपालिकाकी १०८ वर्षीया वृद्धाको पनि घरमै मृत्यु भएपछि कोरोना पुष्टि भएको थियो। आइतबार मृत्यु भएकी वृद्धा अल्सर र क्यान्सरकी बिरामी हुन्। कोरोना संक्रमणका कारण अहिलेसम्म चितवनका १७ जनाको मृत्यु भइसकेको छ।

चितवनमा कुल १ हजार २ सय ४७ जनामा कोरोना संक्रमण पुष्टि भएकोमा होम आइसोलेसनमा मात्रै दुइ सय ५० जनाभन्दा बढी रहेका छन्।

सम्बन्धित समाचार

नेपालका लागि चीनले हस्तान्तरण गर्‍यो एआईमा आधारित मौसम पूर्व–सूचना प्रणाली ‘माजु’

२०७७ भाद्र २८, १२: १४

काठमाडौं । चीनले नेपालको मौसमसम्बन्धी पूर्व–सूचना तथा विपद् प्रतिकार्य क्षमता अभिवृद्धि गर्ने उद्देश्यले कृत्रिम बुद्धिमत्ता (एआई)मा आधारित मौसम पूर्व–सूचना प्रणाली...