- अनामनगर काठमाडौँ
- infobikalpa21@gmail.com
सुर्खेत — डोल्पाको शे–फोक्सुण्डो गाउँपालिका–८ दानिगडमा भारी हिमपातका कारण विगत केही दिनदेखि फसेका ६ जना भारतीय पर्यटकहरूको हेलिकप्टरमार्फत उद्धार कार्य भइरहेको छ। प्रसिद्ध शे–फोक्सुण्डो ताल भ्रमणका लागि आएका ती पर्यटकहरू उच्च हिमाली क्षेत्रमा भएको भारी हिमपातका कारण पदमार्ग अवरुद्ध हुँदा Danigad (दानिगड) मा अलपत्र परेका थिए।
जिल्ला प्रशासन कार्यालय डोल्पाका अनुसार कात्तिक १४ गते उनीहरू फसेको जानकारी प्राप्त हुनासाथ उद्धारको पहल थालिएको थियो र कात्तिक १५ गते आइतबार बिहानैदेखि हेलिकप्टरमार्फत उनीहरूको उद्धार भइरहेको छ।
उद्धार भइरहेका पर्यटकहरूको विवरण:
उद्धार गरिएका पर्यटकहरूमा दुई महिला र चार पुरुष गरी ६ जना भारतीय नागरिक रहेका छन्:
१. मौमिता हाल्डर (Moumita Halder)
२. पियाली कोली (Piyali Koley)
३. जजला त्रिवेद कुमार (Jajala Trived Kumar)
४. आदित्य सिंघा (Aditya Singha)
५. डिप्लिना बिस्वास (Diplina Biswas)
६. राजेश डे (Rajesh De)
जिल्ला प्रशासन कार्यालय डोल्पाकी प्रमुख जिल्ला अधिकारी जुनु हमाल ढकालद्वारा जारी जरुरी सूचनामा हालको मौसम प्रतिकूलताका कारण उच्च पहाडी तथा हिमाली क्षेत्रमा थप जोखिम सिर्जना हुन सक्ने उल्लेख छ। प्रशासनले हिमाली क्षेत्रमा यात्रा गर्दा विशेष सावधानी अपनाउन तथा सबैलाई सजग, सतर्क र सुरक्षित रहन अपिल गरेको छ।
नेपाल भारत धार्मिक तथा सांस्कृतिक क्षेत्रमा सदिँयौदेखि निरन्तर चल्दै आएको आपसी सम्बन्ध र धार्मिक अनुष्ठानका कार्यक्रमहरु हिन्दु धर्मावलम्बीहरुका लागि उच्च...
१. प्रेस स्वतन्त्रता निर्बाध रहोस् मे ३ तारिखलाई विश्वभर प्रेस स्वतन्त्रता दिवसका रुपमा मनाइन्छ । आजका दिन नै अभिव्यक्ति स्वतन्त्रतासँग...
काठमाडौं : लागूऔषध नियन्त्रण ब्युरो कोटेश्वरको टोलीले गए राति काठमाडौं महानगरपालिका–९ पिंगलास्थानबाट गोली चलाएर दुई जनालाई पक्राउ गरेको छ ।...
