एमालेक सङ्गठित सदस्य सङ्ख्या ३० प्रतिशतसँ वृद्धि

नयाँ विकल्प संवाददाता
प्रकाशित मिती: २०८२ भाद्र २०, २१: २५

काठमाण्डू : नेपाल कम्युनिष्ट पार्टी (एमाले) क पार्टी सदस्य सङ्ख्या ३० प्रतिशतसँ वृद्धि भेल अइछ ।

ललितपुर, गोदावरीस्थित सनराइज सम्मेलन केन्द्रमे भ रहल दोसर विधान महाधिवेशनमे साङ्गठनिक प्रतिवेदन प्रस्तुत करैत एमाले महासचिव शङ्कर पोखरेल १०म् राष्ट्रिय महाधिवेशनक बाद ३० प्रतिशतसँ सङ्गठित सदस्य सङ्ख्या वृद्धि भेल जानकारी देलैन ।

हुनक कहब अनुसार, अखन छ लाख बासठ हजार नौ सओ एकसठ गोटे पार्टी सदस्य सङ्ख्या अइछ । एक लाख पचास हजार सदस्यसभ सङ्गठित होएब बाँकी रहल महासचिव पोखरेल बतौलैन । पार्टीक विभिन्न कमिटीमे चाइर लाख सत्ताइस हजार सोलह गोटे विभिन्न कमिटीमे आबद्ध छैथ । प्रतिवेदन अनुसार जिला, प्रवास, प्रदेश, सम्पर्क मञ्च, जिला कमिटी तथा महानगर, उपमहानगर, नगरपालिका, गाउँपालिका कमिटी क एक हजार सरसठ कमिटी रहल अइछ । ओहिना वाड कमिटी सात हजार सात सओ साठि आ टोल कमिटी पचपन्न हजार सात सओ छिहत्तर रहल प्रतिवेदनमे उल्लेख अइछ ।

साङ्गठनिक प्रतिवेदनमे जिला तहमे नौ हजार सात सओ चौहत्तर, स्थानीय तहमे एकचालिस हजार छ सओ तेतिस, वाडमे एक लाख चौहत्तर हजार दू सओ पैंतालिस तथा टोलमे दू लाख एक हजार तीन सओ चौसठि नेता तथा कार्यकर्ता आबद्ध छैथ ।

जारी महाधिवेशनमे प्रधानमन्त्री तथा एमाले अध्यक्ष केपी शर्मा ओली राजनीतिक आ उपाध्यक्ष विष्णुप्रसाद पौडेल विधान संशोधन प्रस्ताव प्रतिवेदन पेश कएने छैथ । आइ दिनसँ सुरू भेल एमालेक विधान महाधिवेशन जारी अइछ ।