‘ऊनको स्वीटर’ लाई अब युट्युबमा हेर्न सकिने

नयाँ विकल्प
प्रकाशित मिती: २०८२ माघ ८, १९: ३१

काठमाडौं ।गत वैशाखमा प्रदर्शनमा आएको नेपाली कथानक चलचित्र ‘ऊनको स्वीटर’ अब युट्युबमा सार्वजनिक हुने भएको छ । चलचित्रका लेखक तथा निर्देशक नवीन चौहानले बिहीबारदेखि ‘आर्टमान्डु’को आधिकारिक युट्युब च्यानलमार्फत रिलिज गर्न लागिएको जानकारी दिएका हुन् ।

यो चलचित्रले नेपालमा करिब १२ करोड रुपैयाँ आम्दानी गर्न सफल भएको थियो । नेपालमा ४० भन्दा बढी हलमा ५१ दिन पार गरेको यस चलचित्रले भारतमा पनि उस्तै अभूतपूर्व सफलता प्राप्त गरेको थियो । भारतका विभिन्न सहरका ४० वटा हलमा रिलिज भएको ‘ऊनको स्वीटर’ ले त्यहाँ पनि ५१ दिनको ऐतिहासिक यात्रा तय गरेको थियो ।

निर्माण कम्पनी आर्टमाण्डुले आफ्नै आधिकारिक युट्युब च्यानलमार्फत यस चलचित्रलाई विश्वभरका दर्शकका लागि उपलब्ध गराएको हो । यो चलचित्रले नेपालमा करिब १२ करोड रुपैयाँ आम्दानी गर्न सफल भएको थियो । नेपालमा ४० भन्दा बढी हलमा ५१ दिन पार गरेको यस चलचित्रले भारतमा पनि उस्तै अभूतपूर्व सफलता प्राप्त गरेको थियो ।

‘डम्बर’ र ‘इच्छा’ बीचको प्रेम सम्बन्धको कथा बुनिएको यस चलचित्रमा समावेश ‘काफ्ले’, ‘चाइनेजो जिन्दगानीमा’, ‘फूल’ र ‘जून हेर्नु तिमी’ जस्ता गीतले सामाजिक सञ्जालमा चर्चा पाएका थिए ।