- अनामनगर काठमाडौँ
- infobikalpa21@gmail.com
काठमाडौं : नेपाली कांग्रेसले फागुन २१ गते हुने प्रतिनिधिसभा निर्वाचनको मौन अवधिमा सभापति गगन थापाको तस्बिर दुरुपयोग गरी सामाजिक सञ्जालमा भ्रामक सामग्री प्रकाशन गरिएको भन्दै गम्भीर आपत्ति जनाएको छ ।
कांग्रेसले ‘लालीगुराँस मिडिया नेटवर्क’ नामक संस्थाले आफ्नो फेसबुक पेजमार्फत अन्यत्रको तस्बिर सम्पादन गरी सभापति थापाको तस्बिर प्रयोग गर्दै पार्टीलाई बद्नाम गराउने उद्देश्यले कपोलकल्पित सामग्री सार्वजनिक गरेको विज्ञप्तिमा जनाएइको छ । पार्टीले यसलाई सुनियोजित रूपमा भ्रम फैलाउने प्रयास भएको दाबी गरेको छ ।
कांग्रेसले यस्तो आधारहीन सामग्रीले आम नागरिकलाई दिग्भ्रमित पार्नुका साथै निर्वाचन आचारसंहिताको ठाडो उल्लंघन गरेको जनाएको छ । प्रेस विज्ञप्तिमार्फत पार्टीले घटनाबारे आवश्यक छानबिन गरी प्रचलित कानुनअनुसार सम्बन्धित संस्थामाथि कडा कारबाही गर्न आग्रह गरेको छ ।
यस सम्बन्धमा निर्वाचन आयोग र प्रेस काउन्सिल नेपाललाई लिखित जानकारी गराइसकिएको कांग्रेसले जनाएको छ ।
पार्टीका कार्यवाहक मुख्य सचिव कृष्णप्रसाद दुलालद्वारा जारी विज्ञप्तिमा सत्य, तथ्य र यथार्थ सूचनाका आधारमा मात्रै समाचार सम्प्रेषण गर्न सबै सञ्चारमाध्यम र सामाजिक सञ्जाल प्रयोगकर्तालाई अनुरोध गरिएको छ ।
नेपाली कांग्रेस पार्टी कार्यालयका कामु मुख्य सचिव कृष्णप्रसाद दुलालले नयाँ विकल्पसँग कुरा गर्दै पार्टीको उजुरीपछि निर्वाचन आयोग, साइबर ब्युरो र प्रेस काउन्सिल नेपालले उक्त समाचार हटाउन निर्देशन दिएपछि उक्त नेटवर्कले समाचार हटाएको जानकारी दिए ।
काठमाडौं । राष्ट्रिय स्वतन्त्र पार्टी (रास्वपा) का वरिष्ठ नेता तथा प्रतिनिधिसभा सदस्य निर्वाचन अन्र्तगत झापा क्षेत्र नं ५ का उम्मेदवार...
काठमाडौँ : प्रतिनिधि सभा निर्वाचन अन्तर्गत पूर्वप्रधानमन्त्री केपी शर्मा ओली झापा–५ मा विशाल मतान्तरले पराजित भएका छन् । राष्ट्रिय स्वतन्त्र...
काठमाडौं : भारतीय प्रधानमन्त्री नरेन्द्र मोदीले नेपालमा शान्तिपूर्ण रूपमा निर्वाचन सम्पन्न गरेकोमा बधाई दिएका छन्। शनिबार उनले सामाजिक सञ्जालमा लेख्दै...
