मेरो रक्षक जीवन धन सत् गुरुदेव कृपालु

नयाँ विकल्प
प्रकाशित मिती: २०७४ फाल्गुन २१, ०८: ३५

कविः माधव साधक परियार

आरती र अन्नपूर्ण सोनु माधव चार ।
ध्यानमा लागेँ बिर्सिदिएँ बाहिरी संसार ।।

चितवनको नारायणघाट तपोभूमि महा ।
ध्यानमा डुब्यौं आनन्दले मस्त भयौं त्यहाँ ।।

हामीहरु पाँच जना मनका पनि थिइन् ।
पाँच पाण्डव भयौं हामी उनले साथ दिइन् ।।

अनकन्टार जङ्गलमा सुनसान राती ।
तेत्तीस कोटी देवता नै भए हाम्रा साथी ।।

ध्यान तपस्या गर्न थाल्यौ हामी विन्द्रा वनमा ।
आनन्दले उन्माद हुन थाल्यो हाम्रो भित्री मनमा ।।

सोचेँ मैले हामी साह्रै परम भाग्यमानी ।
ब्रम्हज्ञानी आत्मज्ञानी हामी दिब्य ज्ञानी ।।

तपोभूमि बृन्दावन हो लिला गर्ने ठाउँ ।
श्रीकृष्ण र गोपिनीको धेरै के बताउँ ।।

श्रीकृष्ण र हामीहरुमा फरक छैन केही ।
नाम मात्र विभिन्न हो फरक प¥यो यही ।।

दुई हजार चौहत्तर साल फागुन १३ थियो ।
सम्झनाको क्षण यत्रालाई कविता बनाइदियो ।।

त्यो यात्रामा अनिता र सीमा पनि थिए ।
जीवन विज्ञानका मित्रहरुले सक्दो साथ दिए ।।

जीवन विज्ञानका मित्रहरु सबै थिए साथमा ।
माधवलाई महसुस भयो गुरुदेव परमात्मा ।।

जिन्दगीमा अनन्त शान्ति त्यो यात्रामा पाएँ ।
हरि गुरु चिन्तन गर्दै आँशु नै बहाएँ ।।

सत् गुरुदेव कृपालुलाई भन्छु जय जय ।
मेरो रक्षक जीवनधनले गर्नुहुन्छ दय ।।

सम्बन्धित समाचार

नेपाल तथा भारतका २८ जना प्राज्ञलाई नइ प्रज्ञा पुरस्कार

२०७४ फाल्गुन २१, ०८: ३५

काठमाडौँ। नइ एकेडेमीद्वारा आयोजित ‘नेपाल भारत विश्वविद्यालय प्राध्यापक सम्मेलन’मा सहभागी प्राज्ञहरुबाट आआफ्ना मन्तव्यपछि त्रिदिवसीय ऐतिहासिक सम्मेलनको समापन भएको छ ।समारोहमा...