मुम्बई आगलागीमा ‘कम्तीमा १४ को मृत्यु’

नयाँ विकल्प
प्रकाशित मिती: २०७४ पुष १७, ०९: ४७

मुम्बईको लोअर परेल क्षेत्रमा शुक्रवार एउटा भवनमा भएको आगलागीमा कम्तीमा १४ जनाको मृत्यु भएको छ । लोकप्रिय कमला मिल्स रेष्टुराँ र किनमेल केन्द्र रहेको भवनमा मध्यरात १२ बजेपछि आगलागी शुरु भएको थियो ।
त्यसको आधा घण्टापछि आगो फैलिएको स्थानीय सञ्चारमाध्यमले जनाएका छन् । ६ जनालाई अस्पताल भर्ना गरिएको मुम्बईको विपद् व्यवस्थापन महाशाखाले जनाएको छ । भारतीय सञ्चारमाध्यमहरुका अनुसार वान अबोभ रुफटप रेष्टुराँबाट आगलागी शुरु भएको थियो । टाइम्स अफ इण्डियाका अनुसार कतिपय आगन्तुकले शौचालयमा शरण लिन खोजेका र त्यहीं थुनिन पुगेका थिए । मृत्यु हुनेमा अधिकांश रमाइलो गर्न भेला भएका महिला रहेका बताइन्छ । २८ औं जन्मदिन मनाइरहेकी एक महिलाको पनि मृत्यु भएको बताइएको छ । कमला मिल्स पुनर्निर्माण गरिएको औद्योगिक हाता हो जहाँ थुप्रै महँगा रेष्टुराँ, बार तथा कार्यालयहरु सञ्चालनमा छन् ।

सम्बन्धित समाचार

भियतनाममा भीषण बाढीमा परी ३५ जनाको मृत्यू

२०७४ पुष १७, ०९: ४७

काठमाडौं।भियतनाममा अविरलको भारी वर्षा र बाढीका कारण भियतनाममा कम्तीमा ३५ जनाको मृत्यु भएको छ ।अन्य पाँच जना अझै बेपत्ता छन्...

सीमानामा भिडन्त हुँदा २३ पाकिस्तानी र ९ अफगानी सेना मारिए

२०७४ पुष १७, ०९: ४७

काठमाडौं।पाकिस्तानी र अफगानी सेनाबीच सीमाना भएको गोली हानाहानमा दर्जनौं सेना मारिएका छन्।शनिबार राति सीमावर्ती खोस्त, पक्तिका, कुनर, नान्गारहार, पक्तिया र...