आरम्भ चौतारी लघुवित्तलाई राष्ट्रियस्तरकाे मान्यता – Naya Bikalpa
November 17, 2026, Tuesday      Epaper

आरम्भ चौतारी लघुवित्तलाई राष्ट्रियस्तरकाे मान्यता

नयाँ विकल्प,

काठमाडौं- रुपन्देहीको बुटवलमा केन्द्रीय कार्यालय रहेको चौतरी लघुवित्त र काभ्रेको बनेपामा केन्द्रीय कार्यालय रहेको आरम्भ लघुवित्त मर्ज भएर बनेको आरम्भ चौतारी लघुवित्तको कार्यक्षेत्र अव देशव्यापी हुनेभएको छ ।

नेपाल राष्ट्र बैंकले यस लघुवित्तलाई कार्यक्षेत्र राष्ट्रियस्तरमा परिणत गर्नका लागि हिजो स्वीकृतिपत्र प्रदान गरेको हो । राष्ट्र बैंकको स्वीकृतिसँगै आरम्भ चौतरी लघुवित्तले देशको जुनसुकै ठाउँमा आफ्नो सेवा विस्तार गर्न मिल्ने भएको छ ।

यसअघि चौतारी लघुवित्तलाई १६ जिल्लामा कार्यक्षेत्र विस्तार गर्न सक्ने अनुमती थियो भने आरम्भ लघुवित्तलाई १५ जिल्लामा कार्यक्षेत्र विस्तार गर्न सक्ने अनुमती रहेको थियो ।

यी दुवै लघुवित्तले मर्ज भएर केही समय अगाडिदेखि एकिकृत कारबोबार पनि शुरु गरिसकेका छन् । मर्जपछि आरम्भ चौतारीको केन्द्रीय कार्यालय आरम्भको तत्कालिन केन्द्रीय कार्यालय बनेपामा राखिएको छ भने अध्यक्षमा चौतारीका तत्कालिन अध्यक्ष जगत पोखरेल नै रहनु भएको छ ।

अध्यक्ष पोखरेलले आरम्भ चौतारी लघुवित्त वितिय संस्थालाई नेपाल राष्ट्र बैंकबाट राष्ट्रिय स्तरको कार्यक्षेत्र रहने गरि स्विकृति प्राप्त भएपछि थप उत्साह थपिएको बताउनु भएको छ।

उहाँले अव अन्य लघुवित्तहरुसँग पनि र्मज गर्ने गृहकार्य भइरहेको र त्यो प्रयास अन्तिम चरणमा पुगिसकेको जानकारी दिनुभयो ।
चौतारी र आरम्भका बीचमा ०७६ जेठ २२ गते मर्जर सहमति भएको थियो ।

त्यसपछि नेपाल राष्ट्र बैंकले गत फागुन १८ गते अन्तिम स्वीकृति दिएको थियो । कम्पनी रजिष्ट्रार कार्यालयले गत असार १ गते स्वीकृति दिएपछि एकीकृत कारोबार सुरु गरेका हुन् ।

‘आरम्भ चौतारी लघुवित्त वित्तीय संस्था’को चुक्तापुँजी रु २६ करोड ३४ लाख ४८ हजार पुगेको छ । यस्तै, ३१ वटा जिल्लामा लघुवित्तको सेवा विस्तार भएको छ ।

सम्बन्धित समाचार

नेपाल बैंकले मनायो ९०औँ वार्षिकोत्सव, उत्पादनशील क्षेत्रमा लगानी बढाउन अर्थमन्त्री वाग्लेको जोड
नेपाल बैंकले मनायो ९०औँ वार्षिकोत्सव, उत्पादनशील क्षेत्रमा लगानी बढाउन अर्थमन्त्री वाग्लेको जोड
  • २०७७ भाद्र २९, १३: ५७

काठमाडौं । नेपालको पहिलो बैंक नेपाल बैंक लिमिटेडले सोमबार आफ्नो ९०औँ वार्षिकोत्सव मनाएको छ । अर्थमन्त्री डा. स्वर्णिम वाग्लेको उपस्थितिमा...

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७७ भाद्र २९, १३: ५७

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

कोप–३१ का विभिन्न कार्यक्रममा सहभागी भएर अर्थमन्त्री वाग्ले स्वदेश फर्किए
कोप–३१ का विभिन्न कार्यक्रममा सहभागी भएर अर्थमन्त्री वाग्ले स्वदेश फर्किए
  • २०७७ भाद्र २९, १३: ५७

काठमाडौं । संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा सहभागी भएर अर्थमन्त्री डा. स्वर्णिम वाग्ले आज...